ސައުތުގެ މަޝްހޫރު ދެ ތަރިން ކަމުގައިވާ ސަމަންތާ ރޫތް ޕަރަބޫ އާއި ވިޖޭ ދެވަރަކޮންޑާ އެކުގައި ފެނިގެންދާ ލޯބީގެ ފިލްމް "ކުޝީ" ގެ ޓްރެއިލާ ދައްކައިލައިފިއެވެ.
ސަމަންތާ އާއި އާއި ވިޖޭގެ ތެލެގޫ ފިލްމު "ކުޝީ" ގެ ޓްރެއިލާ ދައްކާލައިފައިވާ އިރުގައި މީ ލޯބީގެ ފިލްމްއެކެވެ. އިންޓަ ފެއިތު ލޯބީގެ ވާހަކަ އަކީ ކަޝްމީރުގެ ހިތްގައިމު ހިސާބެއްގެ ވަށައިގެން ވާ ވަރަށް ރީތި ހިސާބެއްގައި ޝޫޓް ކޮށްފައވާ ފިލްމްއެކެވެ. މި ފިލްމް ސިނަމާތަކުގައި ރިލީޒްކުރާނީ ސެޕްޓެމްބަރު މަހުގެ އެއްވަނަ ދުވަހު އެވެ.
ދެ މިނެޓު 41 ސިކުންތުގެ މި ޓްރެއިލާ ފަށަނީ ވިޖޭގެ ވިކްރަމް ކަޝްމީރަށް ދަތުރުކޮށް، ސަމަންތާ ކުޅެފައިވާ އާރާދިޔާ ދެކެ ލޯބިވާ ހިސާބުންނެވެ. އެ އަންހެން ކުއްޖާ އަކީ ބްރަހްމަނަކަށް ވުމުން މައިންބަފައިން އެ މީހުންގެ ލޯތްބަށް އެއްބަސް ކުރުވަން ދެ މީހުން ވެސް ވަރަށް މަސައްކަތް ކުރެ އެވެ. އެކަން ކާމިޔާބު ނުވުމުން ކޮންމެވެސް ގޮތަކުން ކައިވެނި ކުރެއެވެ.
ނަމަވެސް އެ އުނދަގޫތަކާއި ހިސާބުން ނިމުމަކަށް ނާދެއެވެ. މިހާރު ކައިވެނިކޮށްގެން އުޅޭ އާރާދިޔާ އާއި ވިކްރަމް އަށް ކައިވެނީގެ ހަޔާތް ނެވިގޭޓް ކުރަން އުނދަގޫވެ އެކަކު އަނެކަކާ އަބަދު ވެސް ހަނގުރާމަ ކުރެ އެވެ. ޓްރެއިލާ ބަލައިލާށެވެ.
ޝިވާ ނިރްވާނާ ޑައިރެކްޓްކޮށްފައިވާ "ކުޝީ"ގެ ކާސްޓުންގެ ތެރޭގައި ޖަޔަރާމް، ސަޗިން ކެޑަކަރް، މުރަލީ ޝަރުމާ، ލަކްޝްމީ، އަލީ، ރޯހިނީ، ވެނެލާ ކިޝޯރު، ރާހުލް ރާމަކްރިޝްނާ، ސްރީކާންތު އަޔަންގަރް އަދި ސާރްނިޔާ ހިމެނެ އެވެ.
