ނުފޫޒު ގަދަ ޑައިރެކްޓަރު ކަރަން ޖޯހަރުގެ ފިލްމް ކުންފުނި ދަރްމާ ޕްރޮޑަކްޝަން ގެ ކުރިއަަށް އޮތް ފިލްމްގެ ފުރަތަމަ ޕޯސްޓަރު އާންމު ކޮށްފިއެވެ.
ފަސްޓްލުކް ޕޯސްޓަރެއް ވެސް ދައްކައިލި މި ފިލްމަކީ އެކްޝަން ފިލްމެއް ކަމަށްވާ "ކިލް" އެވެ. މީގެ ބަތަލަކީ ދަރުމާ އިން 2019 ގައި ޝޫޓިން ފެށި ނަމަވެސް ފަހުން ހުއްޓި، ވާނުވާފައި އޮތް ފިލްމު "ދޯސްތާނާ 2″ ގެ ކާސްޓްގައި ހިމެނޭ އާ އެކްޓަރު ލަކްޝް ލަލްވާނީ އެވެ.
އެކްޝަން ފިލްމް އެއް އުފެއްދުމުގެ މަސައްކަތް ކުރަމުން އަންނަ ކަމަށް ކަރަން މީގެ ކުރިން ވަނީ އިއުލާން ކޮށްފައިއެވެ. މުޅިންވެސް ލޯބީގެ ފިލްމްތަށް ބެލުންތެރިންނަށް ގެނެސްދީފައިވާ ކަރަން އަށް އެކްޝަނަކީ ވަރަށް އައު ވައްތަރެއްވެސް މެއެވެ.
ލަކްޝް ލަލްވާނީ އަކީ ދަރުމާ އިން 2021 ގައި އިއުލާންކުރި "ބޭދަޅަކު" ގެ އެއް ބަތަލު ވެސް މެ އެވެ. އެ ފިލްމު ވެސް އޮތީ ހުއްޓިފަ އެވެ. ވާނުވާ ވަތްގަނޑުގައި ފިލްމް އޮންނަތާ އެތަށް ދުވަހެއް ވެފައިވާއިރުގައި ރިޕޯޓްތައް ބުނާ ގޮތުން ޝާހްރުކް ޚާންގެ ދަރިފުޅު އަރިއަން ޚާން މިހާރު ހަދަމުން އަންނަ ވެބް ސީރީސް "ސްޓާޑަމް" ގެ ކާސްޓްގައި ވެސް ލަކްޝް، 27، ހިމެނެ އެވެ.
View this post on Instagram
"ކިލް" ގެ ރަސްމީ ޕޯސްޓަރާއި ޓީޒާ ވެސް އާންމުކުރާނެ ކަމަށް ކަރަން ވަނީ ބުނެފައިއެވެ. މި ފިލްމް އަކީ ދަރުމާ އާއި ޕްރޮޑިއުސަރު ގުނީތު މޮންގާގެ ސިކިއާ އެންޓަޓައިންމަންޓް ގުޅިގެން ހަދާ ފިލްމް އެކެވެ. މި ފިލްމުގެ ޑައިރެކްޓަރަކީ ނިކިލް ނާގޭޝް ބަޓެވެ.
