މިހާރު ސިނަމާގައި އޮތް ފިލްމް "ރޮކީ އޯރް ރާނީ ކީ ޕްރޭމް ކަހާނީ" ގެ ވަރަށް ހިތްގައިމު ލަވައެއް ބެލުންތެރިންނަށް ދޫކޮށްލައިފިއެވެ.
މި ފިލްމް މިދިއަ މަހުގެ 28 އިން ފެށިގެން ދައްކަމުން އަންނަ ފިލްމްއެކެވެ. ފިލްމް އެޅުމުވުގެ ކުރިން ވަރަށް ހިތްގައިމު ލަވައެއް ވަނީ ބެލުންތެރިންނަށް ދޫކޮށްލައިފައިއެވެ. "ތުމް ކިޔާ މިލޭ" ގެ ނަން ދީފައިވާ މި ލަވަ އަކީ ފިލްމުގެ ލީޑް ތަރިން ކަމަށްވާ ރަންވީރު ސިންގް އާއި އާލިއާ ބަޓްގެ ލޯބި ވަރަށް ހިތްގައިމުކޮށް ގެނެސްދީފައިވާ ވަރަށް ހިތްގައިމު ލަވައެކެވެ.
މިފަހަރު ޔޫޓިއުބަށް ދޫކޮށްލި ލަވަ އަކީ ވަރަށް ޖަޒުބާތީ ލަވައެކެވެ. މި ލަވައިގައި ފެނިގެން ދަނީ ކައިވެނީގެ ހަފްލާ އަށް ކުލަބޮކިތަށް ދިއްލައިފައިވާ އަދި ޖަޒުބާތީ މަންޒަރުތަކެއް ފެނިގެންދާ ލަވައެކެވެ.
މި ލަވައިގެ ނަމަކީ "ކުޅްމާއީ" އެވެ. ޕްރިތަމް މިއުޒިކް ހަދާފައިވާ މި އަސަރު ގަދަ ގަދަ ލަވަ ކިޔާފައި ވަނީ ޝާހިދު މަލިއާ އެވެ. މި ލަވަ "ރޮކީ އޯރް ރާނީ ކީ ޕްރޭމް ކަހާނީ" ގައި ހިމަނާފައި ވަނީ ފިލްމުގެ އެންޑް ކްރެޑިޓް ގެނެސްދޭ ލަވައިގެ ގޮތުގަ އެވެ.
މި ފިލްމް ގެ ލީޑުން ފެނިގެންދާނީ މަޝްހޫރު ބޮލީވުޑްގެ ދެތަރިން ކަމުގައިވާ އާލިއާ ބަޓް އާއި ރަންވީރު ސިންގްއެވެ. އެ ފިލްމުން ފެންނާނެ އިތުރު ތަރިންގެ ތެރޭގައި ދަރުމެންދުރަ އާއި ޝަބާނާ އަޒްމީ އަދި ޖާޔާ ބައްޗަން ވެސް ހިމެނެ އެވެ.
