ކުރިއަށް އޮތް ރިޔާސީ އިންތިހާބުގައި ވާދަކުރައްވާ ރައީސް އިބްރާހިމް މުހައްމަދު ސޯލިހްގެ ރަނިންމޭޓު މިރޭ ނޫނީ މާދަމާ ކަނޑައަޅުއްވާނެ ކަމަށް އެމަނިކުފާނު މިއަދު ވިދާޅުވެއްޖެއެވެ.
ހއ. އަދި ށ. އަތޮޅުގެ ބައެއް ރަށްތަކަށް ކުރެއްވި ކެމްޕެއިން ދަތުރުފުޅު ނިންމަވާލެއްވުމަށް ފަހު، ނޫސްވެރިންނާ ވާހަކަފުޅު ދައްކަވަމުން ރައީސް ވިދާޅުވީ ރަނިންމޭޓަކު ކަނޑައަޅާނީ މަޝްވަރާ ކުރެއްވުމަށް ފަހުގައި ކަމަށެވެ. އަދި އެމަނިކުފާނަށް ނަންތަކެއް ލިބިވަޑައިގެންފައިވާ ކަމަށް ރައީސް ވިދާޅުވިއެވެ.
ނަމަވެސް ރައީސްގެ ވާހަކަފުޅުގައި އެ ނަންތަކަކީ ކޮބައިކަމެއް ވިދާޅެއް ނުވެއެވެ.
އެކަމަކު، ރައީސް ވިދާޅުވި ގޮތުގައި މަސައްކަތް ކުރައްވަނީ މާދަމާ ނުވަތަ ހުކުރު ދުވަހު ކެންޑިޑެސީ ފޯމް އިލެކްޝަންސް ކޮމިޝަނަށް ހުށަހެޅުއްވުމަށެވެ.
"އިރާދަކުރެއްވިއްޔާ މި ބަލަނީ ބުރާސްފަތި ނޫނީ ހުކުރު ދުވަހު އަޅުގަނޑުގެ ފޯމު ސަބްމިޓް ކުރެވޭތޯ." ރައީސް ވިދާޅުވިއެވެ.
ރައީސް ވިދާޅުވީ ރަނިންމޭޓަކަށް އާ ބޭފުޅަކު ވުމުގެ ފުރުސަތު ވެސް އެބައޮތް ކަމަށެވެ. ނައިބު ރައީސް ފައިސަލް ނަސީމަށް ފުރުސަތު އޮތްތޯ ނޫސްވެރިއަކު ސުވާލު ކުރުމުން ރައީސް ވިދާޅުވީ އެ ފުރުސަތު ވެސް އެބައޮތް ކަމަށެވެ.
ރައީސް ސޯލިހް މިދިޔަ އާދިއްތަ ދުވަހު ވަނީ ފައިސަލްގެ އުފަން ރަށް ފުވައްމުލަކަށް ވަޑައިގެންފައެވެ. ރައީސްގެ އަރިހުގައި ފައިސަލް ވެސް ބައިވެރިވެވަޑައިގެންފައިވެއެވެ.
One Response
އަމިއްލަަ އިހުތިޔާރުގަަ ކަންތައްކުރެވޭމީހުންނައްް ގޮތްް ނިންމަންް އެގޭނީީ އަދިި އިހިތިޔާރުަ އޮންނާނީވެސްް ކުޅޭކުޅޭންނަކައްް އިހުތިޔާރެއްނޯންނާނެެ