ޕީޕީއެމްގެ ރައީސް ޔާމީން، ކުރިއަށް އޮތް ރިޔާސީ އިންތިޚާބުގައި އެޕާޓީ މަގުމަތި ނުކުރާނެ ކަމުގެ ފުރިހަމަ ޔަގީންކަން އެބައޮތްކަމަށް ޕީއެންސީގެ ނައިބް ރައީސް އާދަމް ޝަރީފް އުމަރު ވިދާޅުވެއްޖެއެވެ.
އޭނާ މިހެން ވިދާޅުވީ ރައީސް ޔާމީނާއި މިއަދު ބައްދަލު ކުރުމަށް ވަޑައިގެން އެމަނިކުފާނުގެ ޤާނޫނީ ޓީމަށް ރައީސް ޔާމީނާއި ބައްދަލު ކުރެވޭ ގޮތް ނުވުމުން ކުރެއްވި ޓުވީޓެއްގައެވެ. ކަރެކްޝަނުން ބުނީ ރައީސް ޔާމީނުގެ ޤާނޫނީ ޓީމަށް ބައްދަލު ނުކުރެވުނީ ކަރެކްޝަނުން އެދުނު ގޮތަށް ގެންދިޔަ ލިޔެކިޔުންތައް ހިއްސާ ނުކުރުމުން ކަމަށެވެ.
މިކަމާއި ގުޅޭގޮތުން އާދަމް ޝަރީފް ވިދާޅުވީ ރައީސް ޔާމީނަކީ ރާއްޖޭގެ އެންމެ ތާއީދު ބޮޑު ކެނޑިޑޭޓަށް ވުމުން ރައީސް ޔާމީނަށް ކުރިމަތިކުރާ ފިއްތުންތައް ބޮޑު ވާނެކަމަށެވެ. ނަމަވެސް ރައީސް ޔާމީން މިނިވަން ކުރުމަށް ކުރަންޖެހޭ މަސައްކަތް ކުރާނެކަމަށް އާދަމް ޝަރީފް ވިދާޅުވިއެވެ. އޭނާ ވިދާޅުވީ އިންތިޚާބުގައި ޔާމީން ޕީޕީއެމްއަށް ދެރަ ގޮތެއް ނުހައްދަވާނެކަމަށެވެ.
އެންމެ ސަޕޯޓް ބޮޑު ކެނޑިޑޭޓަކީ ރައީސް ޔާމީން ކަމަށްވާތީ ކުރިމަތިކުރާ ހުރަސްތައް ގިނަގުނަ! ހަފަރާތުން ގޮންޖެހުންތައް ކުރިމަތި ކުރުވިޔަސް، ރައީސް ޔާމީނަށް ވާދަ ކުރުމަށް ފަހިވާނެ ހުރިހާ ދޮރެއްގައި ޓަކި ޖަހާނަން! ޕީޕީއެމް މަގުމަތި ނުކުރައްވާނެކަމުގެ ފުރިހަމަ އިތުބާރު ރައީސް ޔާމީނަށް އެބައޮތް.
– އާދަމް ޝަރީފް ވިދާޅުވިއެވެ.
އާދަމް ޝަރީފް މިހެން ވިދާޅުވެފައިވާއިރު، ކުރިއަށް އޮތް ރިޔާސީ އިންތިޚާބުގައި ވާދަކުރުމަށް މިއަދު ވަނީ ހުޅުވާލާފައެވެ. އިންތިޚާބުގައި ވާދަކުރުމުގެ މުއްދަތު އަންނަ މަހުގެ 7 ވަނަ ދުވަހަށް ހަމަވާނެއެވެ. އިންތިޚާބުގައި ޔާމީނަށް ވާދަކުރެވިދާނެ ކަމާއިމެދު ސުވާލު އުފެދޭއިރު، ޕީޕީއެމްއިން އިތުރު ކެނޑިޑޭޓެއް ނެރެދާނެތޯ ގިނަ ބަޔަކު ސުވާލު އުފައްދަމުންނެވެ. އާދަމް ޝަރީފް މިފަދައިން ވިދާޅުވީ ރައީސް ޔާމީނަށް ކުރިމަތި ނުލެވޭ ފަދަ ހާލަތެއްގައި ޕީޕީއެމްއަށް އިތުރު ގޮތެއް ދައްކަވާނެކަމަށް ގަބޫލް ކުރެވޭތީކަމަށް ބެލެވެއެވެ.
ޕީޕީއެމްގެ އާންމު މެމްބަރުންގެވެސް އެންމެ ބޮޑު ކަންބޮޑުވުމަކީ ރައީސް ޔާމީނަށް ވާދަ ނުކުރެވޭ ހާލަތުގައި ޕީޕީއެމްގެ ކެނޑިޑޭޓެއް ފެންނަން ނުތުމެވެ. ޕީޕީއެމްއަށް މިއިންތިޚާބުގައި ވާދަކުރުމުގެ ޖާގަ ރައީސް ޔާމީން ނޫން މީހަކަށް ނެތްކަމަށް އެޕާޓީގެ ބައެއް ބޭފުޅުން ވިދާޅުވާއިރު، މިކަމާއި ދެކޮޅަށްވެސް ބައެއް ބޭފުޅުން ދަނީ ޕާޓީގެ ސެނެޓްގައިވެސް ޚިޔާލް ފާޅު ކުރަމުންނެވެ.
One Response
އާދަމް ޝަރީފް މޮޔަވީދޯ. ޔާމީނަށް ބެލުމެއްނެތި މީހަކު ނެރޭ ޕީޕީ ތިމަގުމަތި ކުރީ ކަލޭމެން އަމިއްލަޔަށް