ސައުތުގެ ސްޕަސްޓާރު ޕްރަބާސް އަދި ބޮލީވުޑްގައި ރަނިކަން ކުރަމުން އަންނަ ބަތަލާ ދީޕިކާ ޕަދުކޯން އެކުގައި ކުޅެމުން އަންނަ ފިލްމު "ޕްރޮޖެކްޓް ކޭ" ގައި ދީޕިކާ ފެނިގެންދާ ގޮތުގެ ޕޯސްޓަރު ދައްކައިލައިފިއެވެ.
ދީޕިކާގެ ޕޯސްޓަރު ދައްކައިލައިފައިވާ އިރުގައި، އަންނަ ބުރާސްފަތި ދުވަހު ޕްރޮޖެކްޓާ ގުޅޭ މުހިއްމު މައުލޫމާތުތަކެއް، އެމެރިކާގެ ސެން ޑިއޯގައި ބާއްވާ ހޮލީވުޑްގެ އިވެންޓް ކޮމިކް-ކޮން އިވެންޓްގައި އިއުލާންކުރަން ފުރުސަތު ވަނީ ލިބިފައިއެވެ.
ވަގުތީ ނަމެއްގެ ގޮތުގައި "ޕްރޮޖެކްޓް ކޭ" ގެ ނަން ދީފައިވާ މިފިލްމް އަކި ދެތަރިންވެސް އެކުގައި ފެނިގެންދާނެ އަލަތު ފިލްމްއެވެ. މި ފިލްމް ގެ ޕޯސްޓަރު ދީޕިކާ ވަނީ އޭނާގެ ސޯޝަލް މީޑިއާގައި ހިއްސާ ކޮށްފައިއެވެ.
ތެލެގޫ ޑައިރެކްޓަރު ނާގް އާޝްވިން ގެ މި ފިލްމްގެ ކާސްޓުގައި އަމީތާބް ބައްޗަނާއި ޑިޝާ ޕަޓާނީ ވެސް ހިމެނެ އެވެ. މީ އެކްޝަން ގެ ވަރުގަދަ މަންޒަރު ތަކެއް ފެނިގެންދާނެ ކަމަށް ލަފާ ކުރެވޭ ފިލްމްއެކެވެ.
"ޕްރޮޖެކްޓް ކޭ" އަންނަ އަހަރުގެ ޖެނުއަރީ 1 އަށް ތާވަލުކުރި އިރު، އަންނަ އަހަރުގެ އެ މަހުގައި ދީޕިކާ ގެ އިތުރު ފިލްމް އެއްވެސް ވަނީ ތާވަލް ކޮށްފައިއެވެ. އެއީ ޖެނުއަރީ 25 ގައި ގެނެސް ދިނުމަށް ތާވަލް ކޮށްފައިވާ ދީޕިކާގެ އޭރިއަލް އެކްޝަން ތުރިލާ "ފައިޓާ"އެވެ.
ކޮމެންޓު ފޮނުވާ