ސައުތުގެ ސްޕަސްޓާރު ރަޖްނީ ކާންތުގެ ފިލްްމް "ޖެއިލާ" އަށް ތަމަންނާ ބާޓީއާ ކުޅެފައިވާ ލަވަ "ކާވާލާ" އަށް ގިނަ ބައެއްގެ މަގުބޫލު ކަން ލިބިއްޖެއެވެ. މި ލަވަ އަކީ އެ ފިލްމްގެ 'އައިޓަމް ސޯންގ' ގެ ގޮތުގައި ހިމަނާފައިވާ ލަވައެކެވެ.
"ކާވާލާ" ގައި ދައްކުވައިދިން ނެށުމާ އެކީ އޭނަ، ކޮލަމްބިއާގެ މަޝްހޫރު ލަވަކިޔުންތެރިޔާ ޝަކީރާގެ ގޮތުގައި ސިފަކޮށް ގިނަ ބަޔަކު ވަނީ ތައުރީފް ކޮށްފައިއެވެ. ވަރުގަދަ ނެށުންތަކެއް ފެނިގެންދާ މި ލަވަ އަކީ އެފްރިކަން ސްޓައިލްއަށް ވަރަށް ފޯރިގަދަކޮން ހަދައިފައިވާ ލަވައެކެވެ.
ޝިލްޕާ ރާއޯ ކިޔާފައިވާ ލަވައިގެ ކޮރިއޯ ހަދާފައި ވަނީ މާސްޓާ ޖާނީ އެވެ. "ކާވާލާ" މިހާރު ވަރަށް ބޮޑަށް ޓްރެންޑްވެފައިވާ އިރު، ޔޫޓިއުބްގައި ލަވަ އަކީ މިހާރު ވެސް ބޮޑު ހިޓެކެވެ.
2010 ގެ ވޯލްޑް ކަޕަށް ޝަކީރާ ކިޔައިދީގެން ބޮޑު މަޝްހޫރު ކަމެއް ހޯދި ލަވަ "ވައްކާ ވައްކާ" ވަރަށް އެގޮތް ގޮތަކަށް ހަދައިފައިވާ ލަވައިގައި ތަމަންނާގެ ސްޓައިލުންވެސް ވަރަށް ބޮޑަށް އެ ލަވައިގެ ފާޑުގަނޑު ދައްކުވައިދެއެވެ.
ނެލްސަން ދިލިޕްކުމާރު ޑައިރެކްޓު ކުރާ ފިލްމް "ޖެއިލާ" އިން ރަޖްނިކާންތް އާއި އެކުގައި ފެނިގެންދާނީ އައިޝްވާރިޔާ ރާއީ ބައްޗަން އާއި ޝިވާ ރާޖުކުމާރުގެ އިތުރުން ރަމްޔާ ކްރިޝްނަން އެވެ.
މުހިއްމު ބައިތައް ހައިދްރައާބާދުގައި ނަގަން ނިންމާފައިވާ ފިލްމު ރިލީޒް ކުރާނީ އަންނަ މަހުގެ 10 ގަ އެވެ.
