ތ.ގާދިއްފުށީ އެމްޑީޕީގައި އެންމެ އިސްކޮށް ހަރަކަތާތްތެރިވާ ދެ ބޭފުޅުން އެޕާޓީން ވަކިވެ އިދިކޮޅު ޕްރޮގްރެސިވް ކޯލިޝަނާއި ގުޅިއްޖެއެވެ.
މިދެބޭފުޅުން ސޮއި ކުރުމަށްފަހު ފޯމު ހަވާލުކުރީ ގުރައިދޫ ދާއިރާގެ މަޖިލިސް މެމްބަރު އަދި ޕީޕީއެމްގެ ނައިބް ރައީސް މުހައްމަދު ޣައްސާން މައުމޫނާއިއެވެ. ރިޔާސީ އިންތިޚާބަށް ޕީޕީއެމްއިން ދުރާލައި ތައްޔާރުވަމުންދާއިރު، އެޕާޓީން ވަނީ ނިމިދިޔަ ހަފްތާގައި އެކޯލިޝަންގެ ރިޔާސީ ކެނޑިޑޭޓް ރައީސް ޔާމީންގެ ކެމްޕެއިން ރަސްމީކޮށް ފަށާފައެވެ.
Th. Gaadhiffushi gai zamaanussure MDP ah khidhmai kuramun ai dhe beyfulhun PPM aa gulhivadaigenfi.
Marhabaa #MavesPPM pic.twitter.com/LOUUMwAZwl— Progressive Party of Maldives (@ProgressPartyMV) July 7, 2023
ޕީޕީއެމްއިން މާލެ ސަރަހައްދުގައި ޚާއްސަ ޑޯޓުޑޯ އިވެންޓުތަކެއް ބާއްވާފައިވާއިރު އަތޮޅު ތެރޭގެ ހަރަކާތްތައް މިހަފްތާގައި ފެށުމަށް ވަނީ ހަމަޖެހިފައެވެ.
ރައީސް ޔާމީންއަށް 11 އަހަރުގެ ޖަލު ހުކުމެއް ފުރުއްވަމުން ގެންދަވާއިރު އެމަނިކުފާނުގެ އިސްތިއުނާފުގެ ޝަރީއަތް ދަނީ ވަަރަށް ލަހުންނެވެ. އެހެން ނަމަވެސް އެމަނިކުފާނުގެ މައްޗަށް މިހާރު ކްރިމިނަލް ކޯޓުގައި އިއްވާފައިވާ އެހެން ދައުވާތައް ދަނީ ރާސްލާފައި ކުރިއަށް ގެންދަމުންނެވެ.
ރިޔާސީ އިންތިޚާބުގައި ކެނޑިޑޭޓުންނަށް ކުރިމަތިލުމަށް ހުޅުވާލާނީ މިމަހުގެ 23 ވަނަ ދުވަހުއެވެ.
