ޒުވާން ދެ ތަރިން ކަމުގައިވާ ވަރުން ދަވަނާއި ޖާންވީ ކަޕޫރް އެކީގައި ކުޅުނު ފުރަތަމަ ފިލްމު "ބަވާލް" ގެ ޓީޒާ ދައްކާލައިފި އެވެ.
ސިނަމާ ތަކުގެ ބަދަލުގައި ޑިޖިޓަލްކޮށް ޕްރީމިއާކުރަން ނިންމާފައިވާ މި ފިލްމްއަކީ ވަރުން އާއި ޖަންވީ ކަޕޫރު އެކުގައި ފެނިގެންދާ ފުރަތަމަ ފިލްމެއެވެ. މި ފިލްމް އަކީ ޒުވާން ދެ ތަރިންގެ އެކްޓިންގެ ހުނަރު ބަލާލުމަށް އޮތް ރަނުގެ ފުރުސަތެކެވެ.
މި މަހުގެ 21 ގައި އެމެޒޯން ޕްރައިމް ވީޑިއޯ އިން ޕްރީމިއާކުރަން ހަމަޖެހިފައިވާ މި ފިލްމަކީ ދެވަނަ ބޮޑު ހަނގުރާމައާ ގުޅުވައިގެން ހަދާފައިވާ ވަރަށް އަސަރު ގަދަ ލޯބީގެ ފިލްމެކެވެ. ސާޖިދު ނަދިއަދުވާލާ ޕްރޮޑިއުސްކުރި "ބަވާލް" ގެ ޑައިރެކްޓަރަކީ ނިތޭޝް ތިވާރީ އެވެ. އޭނަ އަކީ "ޗިޗޯރޭ" އާއި "ޑަންގަލް" ވެސް ގެނެސްދިން ޑައިރެކްޓަރެކެވެ.
ސާޖިދު ނަޑިއަޑުވާލާ ޕްރޮޑިއުސްކޮށް، ނިތޭޝް ތިވާރީ ޑައިރެކްޓްކުރި މި ރޮމޭންޓިކް ޕީރިއަޑް އެކްޝަން ފިލްމަކީ މިދިޔަ އަހަރު ޝޫޓިން ނިންމާފައި އޮތް ފިލްމެކެވެ. ފިލްމް ޑީޖިޓަލްކޮން ޕްރިމިއާ ކުރަން ނިންމި ސަބަބެއް ނޭގެއެވެ.
އިންޑިއާގެ 3 ސަރަހަދެއްގެ އިތުރުން ޔޫރަޕްގެ 5 ގައުމެއްގައި މި ފިލްމުގެ ޝޫޓިންގ ކޮށްފައިވާ އިރުގައި މިއީ ވަރުން އާއި ޖާންވީގެ އަލަތު ފިލްމްއެވެ.
ކޮމެންޓު ފޮނުވާ