އަންނަ މަހު ބެލުންތެރިންނަށް ދޫކޮށްލަން ތައްޔާރުވަމުން އަންނަ ފިލްމު "ރޮކީ އޯރް ރާނީ ކީ ޕްރޭމް ކަހާނީ" ގެ ފުރަތަމަ ލަވަ ދައްކާލައިފި އެވެ. މި ލަވަ އަކީ ވަރަށް ހިތްގައިމު ލަވައެކެވެ.
"ތުމް ކިޔާ މިލޭ" ގެ ނަން ދީފައިވާ މި ލަވަ އަކީ ފިލްމުގެ ލީޑް ތަރިން ކަމަށްވާ ރަންވީރު ސިންގް އާއި އާލިއާ ބަޓްގެ ލޯބި ވަރަށް ހިތްގައިމުކޮށް ގެނެސްދީފައިވާ ވަރަށް ހިތްގައިމު ލަވައެކެވެ.
އަރިޖިތު ސިންގް އާއި ޝްރެޔާ ގޯޝާލް ގެ އަޑުން ވިރުވައި އަޅައިފައިވާ މި ލަވައިގެ މިއުޒިކް ހަދައިފައިވަނީ ޕްރިތަމްއެވެ. ލަވައިގައި ފެނިގެންދަނީ ސްނޯއާއި ވާދީ ތަކުގެ ތެރޭގައިއެވެ.
އަންނަ މަހުގެ 28 ގައި ރިލީޒްކުރަން ހަމަޖެހިފައިވާ މި ރޮމޭންޓިކް ކޮމެޑީ އަކީ މި އަހަރު އެންމެ ގިނަ ބަޔަކު އިންތިޒާކުރާ ބޮލީވުޑް ފިލްމެވެ. މި ފިލްމް އަކީ ތިނެސްކަން ލޯބީގެ ވާހަކައެއް ގެނެސްދޭނެ ފިލްމްއެކެވެ.
މި ފިލްމް ގެ ލީޑުން ފެނިގެންދާނީ މަޝްހޫރު ބޮލީވުޑްގެ ދެތަރިން ކަމުގައިވާ އާލިއާ ބަޓް އާއި ރަންވީރު ސިންގްއެވެ. އެ ފިލްމުން ފެންނާނެ އިތުރު ތަރިންގެ ތެރޭގައި ދަރުމެންދުރަ އާއި ޝަބާނާ އަޒްމީ އަދި ޖާޔާ ބައްޗަން ވެސް ހިމެނެ އެވެ.
