މާލޭން ހިލޭ ގޯތި ލިބޭ މީހުންގެ ވަގުތީ ލިސްޓް އިއްޔެ އާންމުކުރިއިރު، ރައްޔިތުންގެ މަޖިލީހުގައި މާލޭގެ 15 ދާއިރާ ތަމްސީލުކުރައްވާ މެމްބަރުންގެ ތެރެއިން އަށް މެމްބަރަކަށާއި، ރައްޔިތުންގެ މަޖިލިހުގެ އެހެން ބައެއް ދާއިރާތައް ތަމްސީލުކުރައްވާ މެމްބަރުންގެ ތެރެއިން ދެ މެބްރަކަށް ގޯތި ލިބިއްޖެއެވެ.
މި ސަރުކާރުން ގޯތި ދޭނަކަމަށް ވީ ވައުދު ފުއްދުމުގެ ގޮތުން، ގޯތި ލިބޭ މީހުންގެ ލިސްޓު އިއްޔެ އިއުލާން ކުރިއިރު، ލިސްޓުގައި ހިމެނޭ މެމްބަރުންގެ ތެރޭގައި އަލަށް އުފެއްދުމަށް މިހާރު މަސައްކަތް ކުރާ ދަ ޑިމޮކްރެޓްސް ޕާޓީގެ މާލޭ ދާއިރާގެ މެމްބަރުންވެސް ހިމެނޭއިރު، ސަރުކާރަށް އެންމެ ބޮޑަށް ފާޑުވިދާޅު އެމްއެންޕީގެ ވިލިމާލެ ދާއިރާގެ މެމްބަރުން އަހުމަދު އުޝާމްވެސް ހިމެނެއެވެ. އޭގެ އިތުރުން ވެރިކަންކުރާ އެމްޑީޕީގެ ބައެއް މެމްބަރުންވެސް ހިމެނޭކަން ފާހަގަ ކޮށްލެވެއެވެ.
މިގޮތުން މާލެއިން ގޯތި ލިބޭ މެމްބަރުންގެ ތެރެގައި ވެރިކަން ކުރާ އެމްޑީޕީގެ ފަސް މެމްބަރަކާއި ސަރުކާރާ ދެކޮޅަށް އުފެއްދުމަށް މަސައްކަތް ކުރަމުން އަންނަ "ދަ ޑިމޮކްރެޓްސް"އަށް ނިސްބަތްވެވަޑައިގަންނަވާ ހަތަރު މެމްބަރަކާއި އެމްއެންޕީގެ މެމްބަރެއް ހިމެނެއެވެ.
މާލޭގެ އިދާރީ 15 ދާއިރާތެރެއިން ގޯތި ލިބޭނެކަން ޔަގީންވެފައިވާ 8 މެމްބަރުންނަކީ:
1. ހެންވޭރު އުތުރު ދާއިރާގެ މެމްބަރު އިބްރާހިމް މުއިއްޒު (އެމްޑީޕީ)
2. ހެންވޭރު ހުޅަނގު ދާއިރާގެ މެމްބަރު ހަސަން ލަތީފް (ދަ ޑިމޮކްރެޓްސް)
8. ވިލިމާލޭ ދާއިރާގެ މެމްބަރު އަހުމަދު އުޝާމް (އެމްއެންޕީ)
އޭގެ އިތުރުން އައްޑޫ މީދޫ ދާއިރާގެ މެމްބަރު ރޮޒައިނާ އާދަމްއާއި އަދި އޭނާގެ ފިރިކަލުން، ކިނބިދޫ ދާއިރާގެ މެމްބަރު މުހައްމަދު ނާޝިޒްއަށްވެސް ގޯތި ލިބެއެވެ.
މަޖިލިސް މެމްބަރުންގެ ތެރެއިން ގޯތި ނުލިބޭނެކަމަށް މިހާތަނަށް ބުނަމުން އައި ސަރުކާރާ ދެކޮޅު މެމްބަރުންނަށް މާލެއިން ގޯތި ލިބޭއިރު، ބައެއް ފަރާތްތަކުން ބުންމުންދަނީ ނިކަމެތި އެތައް ބަޔަކަށް ބޯހިޔާވަހިކަން ނުލިބި ވާއިރު، ސަރުކާރުގެ ބޯހިޔާވަހިކަމުގެ ސްކީމުގެ ދަށުން ރައްޔިތުންގެ މަޖިލިހުގެ ތަނަވަސް ބައެއް މެމްބަރުންނަށްވެސް ގޯތި ލިބިގެން ދިއުމަކީ ބޮޑު ބޭއިންސާފެއް ކަމުގައެވެ.
އަދި އެއްބަޔަކު ސަރުކާރުން ބިންހިއްކާފަ އަޅާދިން ފްލެޓްތަކުގައި އަގުދައްކައިގެން ދިރިއުޅޭއިރު އަނެއްބަޔަކަށް ބިން ހިއްކައިދީ، ހިލޭ ގޯތި ދޫކުރުނަކީވެސް ބޮޑު ބޭއިންސާފެކަމުގައިވެސް ހިނަބަޔަކު ދަނީ ބުނަމުންނެވެ.
2 Responses
ކޮންމެވެސް އެއްޗެކޭ ކިޔައިގެން އަނގަ ވީދޭނެއެވެ. ތިމާމެނަށް ބިމުން މައްޗަށް ނޭރި ތިއްބާ، އުދުހިފަ ދިޔަޔަސް ބުނާނެ އެއޮތީ އޮރިކޮންނެވެ. އަގަޔަކުންނާރާނެއެވެ. މާދަމާ އަޑުއަހަން ތިބެ ބަލާށެވެ. އެކަމަކު ހަމަ އެކަކުވެސް ތިމަންނަ ބޭނުމެއްނެތޭ ނުބުނާނެއެވެ. މުނާފިގު ކިޔަނީ ވަކި ސިފަތަކެއް ހުންނަ މީހުނަށެވެ.
ކުދިންނޭ! ބަލަބަލާ ތިއްބާ މާލޭ ވޯޓްކޮޅުވެސް އެގެންދިޔައީއެވެ. ތިޔަތިބީ ބޮޑުތަނުން މާލޭންވެސް ބަލިވެފަ! ދެން ލަލަލާ ލަލަލާ ލާ!