މި އަހަރުގެ އެޕްރިލް މަހުގެ 7 ވަނަ ދުވަހަށް ރިލީޒް ކުރުމަށް ތާވަލް ކުރި ނަމަވެސް، އޮކްޓޯބަރަށް ފަސްކުރި ފިލްމް "ބަވާލް"ގެ ފަސްޓް ލުކް ޕޯސްޓްރު ދައްކައިލައިފިއެވެ.
ސިނަމާ ތަކުގެ ބަދަލުގައި ޑިޖިޓަލްކޮށް ޕްރީމިއާކުރަން ނިންމާފައިވާ މި ފިލްމްއަކީ ވަރުން އާއި ޖަންވީ ކަޕޫރު އެކުގައި ފެނިގެންދާ ފުރަތަމަ ފިލްމެއެވެ. މި ފިލްމް އަކީ ޒުވާން ދެ ތަރިންގެ އެކްޓިންގެ ހުނަރު ބަލާލުމަށް އޮތް ރަނުގެ ފުރުސަތެކެވެ.
ސާޖިދު ނަދިއަދުވާލާ ޕްރޮޑިއުސްކޮށް، ނިތޭޝް ތިވާރީ ޑައިރެކްޓްކުރި މި ރޮމޭންޓިކް ޕީރިއަޑް އެކްޝަން ފިލްމަކީ މިދިޔަ އަހަރު ޝޫޓިން ނިންމާފައި އޮތް ފިލްމެކެވެ. ފިލްމް ޑީޖިޓަލްކޮން ޕްރިމިއާ ކުރަން ނިންމި ސަބަބެއް ނޭގެއެވެ.
އިންޑިއާގެ 3 ސަރަހަދެއްގެ އިތުރުން ޔޫރަޕްގެ 5 ގައުމެއްގައި މި ފިލްމުގެ ޝޫޓިންގ ކޮށްފައިވާ އިރުގައި މިއީ ވަރުން އާއި ޖާންވީގެ އަލަތު ފިލްމްއެވެ.
ކޮމެންޓު ފޮނުވާ