ބޭ އޮފް ބެންގާލްގައި އުފެދި ސްރީލަންކާއާ ދިމާއަށް ދަތުރު ކުރި ތޫފާން "ބުރެވި" ލަންކާގެ އެއްގަމަށް ރޭ އަރާފައި ވާކަމަށް ރާއްޖޭގެ މޫސުމާބެހޭ ގައުމީ އިދާރާއިން ބުނެފިއެވެ.
ތޫފާން ލަންކާއަށް އެރުމާގުޅިގެން މެޓް އޮފީހުން ވަނީ ރާއްޖޭގެ ސަރަހައްދަށް ވައިޓް އެލާޓް ނެރެފައެވެ. ވައިޓް އެލާޓަކީ މިފަދަ ހާލަތުގައި އާންމުންނަށް ދޭންޖެހޭ މަޢުލޫމާތު ހިއްސާކުރަން ނެރޭ އެލާޓެކެވެ.
ALERT WHITE: Tropical Cyclone "Burevi"
For information ONLY pic.twitter.com/kBiH7vqy5U— Maldives Meteorology (@MetMaldives) December 2, 2020
ތޫފާން ބުރެވީގެ އިތުރުން އިންޑިއާ ކަނޑުގައި ރާއްޖޭގެ އިރު ދެކުނުން އުފެދިފައިވާ ކޮޅިގަނޑުގެ ބާރުވެސް ގަދަވަމުން ދާކަމަށް މެޓް އޮފީހުން ބުނެއެވެ. އެހެންކަމުން ތޫފާނާއި ކޮޅިގަނޑުގެ އަސަރު ރާއްޖެއަށް ކޮންމެވެސް ވަރަކަށް ކުރާނެކަމަށްވެސް އެ އިދާރާއިން ލަފާކުރެއެވެ.
ކުރިއަށްއޮތް 24 ގަޑީރުވެސް ރާއްޖޭގެ އެކިހިސާބަށް ވިއްސާރަކޮށް ބައެއް ރަށްތަކަށް ގުގުރުމާއެކު ބޯކޮށް ވާރޭވެހުން އެކަށީގެންވާކަމަށް މެޓް އޮފީހުން ލަފާކުރެއެވެ. އެ އިދާރާއިން ބުނީ ރާއްޖޭގެ ހުޅަނގާއި ހުޅަނގުއުތުރުން، ހުރިހައި ހިސާބަކަށްވެސް ގަޑިއަކު 13 މޭލާއި 23 މޭލާ ދެމެދުގެ ބާރުމިނުގައި ވައި ޖެހޭނެ ކަމަށާއި ވިލާގަނޑުގައި ގަޑިއަކު ގާތްގަނޑަކަށް 45 މޭލަށް ވައިގަދަވުން އެކަށީގެންވާކަމަށެވެ. މީގެއިތުރުން ރާއްޖޭގެ ކަނޑުތައްވެސް ގަދަވާނެތީ ހުރިހާ ފަރާތްތަކުން ވެސް މޫސުމަށް ސަމާލުވުމަށް މޫސުމާބެހޭ ގައުމީ އިދާރާއިން އިލްތިމާސް ކުރެއެވެ.
Cyclonic storm Burevi likely to move out Gulf of Mannar by noon today & to cross India's South #TamilNadu. Influence of the cyclonic storm is expected to be gradually reduced during next few hours for SL #LKA #SriLanka #CycloneBurevi #BureviCyclone pic.twitter.com/OkOM9xYnxj
— Sri Lanka Tweet ?? (@SriLankaTweet) December 3, 2020
ތޫފާން "ބުރެވި"ގެ ސަބަބުން ލަންކާގެ ބޮޑު ބަޔަކާއި އިންޑިއާގެ ދެކުނާއި އިރު ދެކުނުގެ ބައެއް ސަރަހައްދުކަށް، އިއްޔެއިން ފެށިގެން ހަފްތާ ބަންދުގެ ނިޔަލަށް، އެ ގައުމުތަކުގެ ކަމާބެހޭ އިދާރާތަކުން މޫސުމީ އެންމެ ވަރުގަދަ އިންޒާރު ރެޑް އެލާޓް ވަނީ ނެރެފައެވެ. ލަންކާގެ އިރު އުތުރު ސަރަހައްދުން ގޮސް އިންޑިއާގެ ދެކުނާއި އިރު ދެކުނުގެ ބައެއް ސަރަހައްދުތަކަށް އެރުމަށްފަހު ތޫފާން ބުރެވި ދަތުރުކުރާނެކަމަށް ބެލެވެނީ ރާއްޖޭގެ އުތުރުން ގަލްފް އޮފް މަނާރަށެވެ.
ކޮމެންޓު ފޮނުވާ