ނަޝީދު އިސްވެ އުފައްދަވާ ދަ ޑިމޮކްރެޓްސް ޕާޓީ އުފެއްދެވުމުގައި އިސްކޮށް ހަރަކާތްތެރިވާ އެމްޑީޕީގެ ކުރީގެ ނާއިބުރައީސް މުހައްމަދު ޝިފާޒުގެ އުފަންދުވަސް ފާހަގަ ކުރުމަށް، ނަޝިދުއާއެކު އޭނާ ނައްޓަވާ ވީޑިއޯއެއް ސޯސަލް މީޑިއާގައި އާންމު ވެއްޖެއެވެ.
ސޯޝަލް މީޑިއާގައި ގިނަބަޔަކު ޝެއަރ ކޮށްފައިވާ މި ވީޑިއޯގައި ފެންނަނީ، ދަ ޑިމޮކްރެޓްސް ޕާޓީގެ ކުލަ ކަމުގައިވާ ނޫކުލައިން ހަދާފައި ކޭކެއްގައި އުށްބައްތިއެއް ދިއްލައި، އަދި ނަޝީދު ނޫކުލައިގެ ހެދުމެއްގައި ހުންނަވައިގެން ހިންދީ ލަވަޔަކަށް ދެބޭފުޅުންވެސް ނަޓަވަމުން ގެންދެވި މަންޒަރެވެ.
އަދި ވީޑިއޯއިން ނުފެންނަ ބަޔަކު މީހުންވެސް އެކީގައި ލަވަކިޔާ އަޑު ވީޑިއޯއިން އިވެން ހުރެއެވެ.
Thank you once again! I’m wishing you a joyous birthday today and a prosperous year to come! @shippeshifaz #HBD2U #Dems pic.twitter.com/rtfnyUeXpO
— Mirer(z) Ahmed 🩵 (@mirerz) June 16, 2023
ނަޝީދުއާއި ޝިއްޕެ ނައްޓަވާ މަންޒަރު ފެންނަ ވީޑިއޯ އާންމު ވުމާއި ގުޅިގެން، ބައެއް ފަރާތްތަކުން ވަނީ މިއީ ދިވެހިންގެ އާދަކާދައާއި ބީރައްޓެހި ސަގާފަތެއް ކަމުގައި ބުނެ ކޮމެންޓް ކޮށްފައެވެ.
ޝިފާޒުގެ އުފަންދުވަހާއި ގުޅިގެން ދަ ޑިމޮކްރެޓްސްއަށް ތާއީދުކުރާ ގިނަބަޔަކުވަނީ އޭނާއަށް އުފަންދުވަހުގެ ތަހުނިޔާ ކިޔާފައެވެ.
