އެކި މައްސަލަތަކުގައި ފުލުހުންގެ ބެލުމުގެ ދަށުގައި ބަހައްޓާފައިހުރި ތަކެތީގެ ތެރެއިން، ބ. ދަރަވަންދޫ ޕޮލިސް ޑެސްކުގެ ބެލުމުގެދަށުގައި ހުރި ބަނގުރާ ނައްތާލައިފިއެވެ. އެގޮތުން، ޖޫން 14 ވަނަ ދުވަހު ނައްތައިލާފައިވަނީ 527 ފުޅި ބަނގުރާ އަދި 297 ދަޅު ބިޔަރެވެ.
ފުލުހުން ބުނެފައިވަނީ، މިތަކެއްޗަކީ 2022 ވަނަ އަހަރުގެ އޮކްޓޯބަރ 1 ވަނަދުވަހުން ފެށިގެން 2023 މެއި 31 ވަނަ ދުވަހުގެ ނިޔަލަށް ދަރަވަންދޫ ޑޮމެސްޓިކް އެއާޕޯޓަށް ފުރަންދިޔަ ފަތުރުވެރިންގެ އަތުން ފުލުހުންގެ ބެލުމުގެ ދަށަށް ގެނެސްފައިވާ ތަކެތި ކަމުގައެވެ.
ފުލުހުން އިތުރަށް ބުނެފައިވަނީ، ބަނގުރާ ނައްތާލުން ކުރިއަށް ގެންގޮސްފައިވަނީ ފުލުހުންގެ ބެލުމުގެ ދަށަށް ގެނެވޭ ބަނގުރާ އަދި ބަނގުރާގެ މައްސަލަތަކާ ގުޅިގެން ހިފެހެއްޓޭ ތަކެތި ނައްތާލުމުގައި އަމަލުކުރާ ގޮތުގެ ގަވާއިދުގެ ދަށުން އެކަމަށްޓަކައި އެކުލަވައިލި ކޮމިޓީގެ ބެލުމުގެ ދަށުން ކަމުގައެވެ.
ކޮމެންޓު ފޮނުވާ