ރައްޔިތުންގެ މަޖިލީހުގެ ދުސްތޫރީ މަސްއޫލިއްޔަތަށް ހުރަސްއެޅުމުގެ ބާރެއް ބަންޑާރަނައިބަށް ލިބިގެން ނުވާ ކަމުގައި ކުރީގެ އުއްތަމަ ފަނޑިޔާރު ޑރ.އަހުމަދު ޢަބްދުﷲ ދީދީ ވިދާޅުވެއްޖެއެވެ.
ރައްޔިތުންގެ މަޖިލީހަށް ހުށަހެޅިފައިވާ، ބަންޑާރަ ނައިބް އިބްރާހިމް ރިއްފަތުގެ އިތުބާރު ނެތްކަމުގެ މައްސަލާގައި އެމަނިކުފާނު ނިންމެވީ މަޖިލީހަށް ވަޑައިގެން ޖަވާބުދާރީ ވުމުގެ ބަދަލުގައި ލިޔުމުން ޖަވާބު ދެއްވުމަށެވެ. ބަންޑާރަ ނައިބް ވިދާޅުވެފައިވަނީ ޗާގޯސް މައްސަލާގައި އެމަނިކުފާނު ނިންމާފައިވާ ނިންމުމަކީ ކަނޑައެޅިގެން ގާނޫނާ ހިލާފު ނިންމުމެއްކަމުގައި ބުނެވޭނެ ގާނޫނީ މަރުކަޒެއް، އެއްވެސް ހެއްކެއް އަދި ގަރީނާއެއް ވެސް މައްސަލަ ހުށަހެޅުއްވި މެންބަރުން ދައްކަވާފައި ނުވާކަމެވެ.
ރިއްފަތު ވިދާޅުވީ މިމައްސަލާގައި މަޖިލީހުން އިތުބާރު ނެތްކަމުގެ މައްސަލަ ނަގައި މިގޮތަށް އަމަލުކުރުމަކީ ބަންޑާރަނައިބަށް ޤާނޫނު އަސާސީން މަތިކޮށްފައިވާ ޒިންމާ އަދާކުރުމުގެ ގޮތުން އޭނާ ނިންމާ ނިންމުންތަކަށް ނުފޫޒު ފޯރުވޭ ގޮތަށް ޤާނޫނު އަސާސީ މާނަކުރުން ކަމަށެވެ. އެއީ ބަންޑާރަނައިބުގެ ދުސްތޫރީ ބާރުތަކާ ދިމާ އިދިކޮޅަށް ޤާނޫނު އަސާސީ މާނަކުރުން ކަމަށް ބަންޑާރަ ނައިބް ވިދާޅުވިއެވެ.
ބަންޑާރަ ނައިބް ވިދާޅުވީ ޤާނޫނު މާނަކުރާ ގޮތަކާ ގުޅިގެން ގޮތެއް ކަނޑައެޅުމުގެ އިޚުތިޞާޞު އޮންނާނީ ޤާނޫނުތަކުން އުފައްދާފައިވާ ޝަރުޢީ ކޯޓުތަކަށް ކަމުގައެވެ. އެކަމަކީ އެއްވެސް ސިފައެއްގައި ރައްޔިތުންގެ މަޖިލީހުގެ ދައުރެއް އަދި ޤާނޫނީ ޒިންމާއެއް އެކަމުގައި އެކުލެވޭ ކަމެއް ނޫންކަމަށްވެސް ރިފްއަތު ވިދާޅުވިއެވެ.
ރިއްފަތުފެ ވާހަތަކާއި ގުޅިގެން ކުރީގެ އުއްތަމަ ފަނޑިޔާރު ޑރ.ޑީޑީ ވިދާޅުވީ މިވާހަތަކަކީ މަޖިލީހަށް ވައްދާފައިވާ ބަންޑާރަ ނައިބްގެ އިތުބާރު ނެތްކަމުގެ މައްސަލައަށް ހުރަސް އެޅުމުގެ ނިޔަތުގައި ދައްކަވާފައިވާ މައުޟޫއިން ބޭރު ވާހަކަތަކެއް ކަމަށެވެ. މަޖިލީހުގެ ދުސްތޫރިއްޔަތަށް ހުރަސް އެޅުމުގެ އެއްވެސް ބާރަށް ބަންޑާރަނައިބަށް ލިބިގެން ނުވާކަމަށް ޑީޑީ ވިދާޅުވިއެވެ.
ތިޔަ ވާހަކަތަކަކީ މަޖިލީހުން މަނިކުފާނުގެ އިތުބާރު ނެތްކަމުގެ މައްސަލައެއް ތާވަލުކޮށް ހިންގާ އިޖުރާއާތަށް ހުރަސް އެޅުމުގެ ނިޔަތުގައި ދައްކަވާ މައުޟޫޢުން ބޭރު ވާހަކަ، މަޖިލީހުގެ ދުސްތޫރީ މަސްއޫލިއްޔަތަށް ހުރަސްއެޅުމުގެ އެއްވެސް ބާރެއް ބަންޑާރަނައިބަށް ލިބިގެން ނުވޭ!
– ކުރީގެ އުއްތަމަ ފަނޑިޔާރު ޑރ.ޑީޑީ ވިދާޅުއެވެ.
މަޖިލީހުގެ މިއަދުގެ ޖަލްސާގައި ރިފްއަތުގެ އިތުބާރު ނެތް ކަމުގެ މައްސަލަ ކުރިއަށްދާއިރު އޭނާ މި މައްސަލާގައި ޖަވާބުދާރީވެވަޑައިގެންނެވީ ލިޔުމުންނެވެ. އެކަމާ ގުޅިގެން މަޖިލީހުގެ ތެރޭގައި ހިޔާލު ތަފާތުވުންތަކެއް އުފެދި މަޖިލިސް ޖަލްސާ ވެސް ވަނީ މެދުކަނޑާލާފައެވެ.
އޭނާ މަޖިލީހަށް ފޮނުއްވި ޖަވާބުގައި 37 ނުކުތާއެއް ވަނީ ފާހަގަކުރައްވާފައެވެ. އަދި, އިޓްލޮސްގައި ރާއްޖޭގެ މަސްލަހަތު ދިފާއު ކޮށްފައިވާނެ ކަމަށާއި ބައިނަލްއަގްވާމީ ވަކީލުންގެ ޓީމާ އެކު ވަކާލާތުކޮށްފައިވާނީ ރާއްޖެއަށް އެންމެ ފައިދާހުރި ގާނޫނީ ގޮތުން ބުރަދަން ހުރި ނުކުތާތަކަށް ކަމަށް ވެސް އޭނާ ފާހަގަކުރެއްވިއެވެ.
3 Responses
ނަސީބެއްނު މިކަހަލަ ކޮށިވިސްނުމުގެ މީހަކު އުއްތަމަފަޑިޔާރުކަމުގަ ގިނަދުވަހު ނުބެހެއްޓި ކަން.
މިނަގައިގަތް ކަތީބުންތަކަކީ މާމޮޅު ބަޔެކެވެ. ތިމާމެން ބޭރުކުރީ ކީއްވެގެންކަން އެކަކުވެސް ހަދާނެއް ނުހުރެއެވެ. ހަފޮޅުން ބޭރުގައި ތިބެގެން އަނގަ ނުލާނެ ހަމަ އެއްކަމެއްވެސް ނޯންނާނެއެވެ. ނޭގޭނެ ހަމަ އެއްކަމެއްވެސް ނެތެވެ.
ކޮށި ވިސްނުމުގެ މީހާގެ ބަހުގަ ބުރަދަން ހުރިކަން ހާމަވޭ، މިތާ ކޮމެންޓް ކުރިމީހުންގެ ރިއެކްޝަނުން
އަނގަ ލާން އެގޭތީ އެގިގެން އަނގަލީ