ބިގް ބޮސް 14 ގެ ހޯސްޓް ސަލްމާން ހާން އެ ޝޯވ ގައި ދެން އަންނާނެ ޓުވިސްޓް ކިޔައިދީފިއެވެ. މި ޓުވިސްޓް ވީ އެނަމެންނަށް ބޮޑު ޝޮކެއް ލިބުނު ޓުވިސްޓަކަށެވެ.
ސަލްމާން ބުނިގޮތުގައި ދެންއަންނަ ހަފްތާއަކީ ހުރިހާ ބައިވެރިންނަށް ފިނާލޭ ވީކު ކަމަށާއި 4 މީހުން ފިޔަވައި ދެންތިބި އެންމެން ބިގްބޮސްގެ ގެ ދޫކޮށް ދާންޖެހޭނެކަމަށެވެ. ނަމަވެސް މިއީ ޝޯގެ ނިމުމެއްނޫން ކަމާއި ކުރީގެ ބައިވެރިން އަދި ބިގް ބޮސްގެ ގެއަށް އަންނާނެކަމަށްވެސް ސަލްމާން ބުނެފައިވެއެވެ.
ފަހުން ދެއްކި ޕްރޮމޯއަށް ބަލާއިރު ދެންތިބި މީހުންނަށް ރުބީނާ ދިލައިކް އަށް ލިބިފައިވާ އިމިއުނިޓީ ސްޓޯން އަތުލުމުގެ އިޙުތިޔާރު ލިބިގެންދެއެވެ. އަދި ފަހުގެ މަސައްކަތްތަކުގެ ތެރޭގައި، ބައިވެރިންނަށް، ދުވަހަކުވެސް މީހަކަށް ހިއްސާކޮށްފައިނުވާ ވާހަކައެއް ބުނަންޖެހޭ އިރު، އެންމެ ބޮޑު ވާހަކައެއް ފަޅާއަރުވާލަނީ ރުބީނާ ދިލައިކް އެވެ.
View this post on Instagram
ދެން އަންނަ އެޕިސޯޑުގައި ފެނިގެންދަނީ ރުބީނާ އާއި އަބީނަވް ޝުކުލާގެ ކައިވެނީގެ ސިއްރާއި މެދު ވާހަކަ ދައްކާތަނެވެ. އަދި އެދެމީހުން އުޅެނީ ވަރި ވާން ކަމަށާއި ނޮވެމްބަރާއި ހަމައަށް ދެމީހުން އެކަކު އަނެކަކަށް ވަގުތު ދީފައި ވާ ކަމަށާއި ބިގް ބޮސް އަށް ދެމީހުން އެކުގައި ނައި ނަމަ މިއަދާއި ހަމައަށްވެސް އެކުގައި ނޫޅެވުނީސް ކަމަށް ރުބީނާ ބުނެއެވެ.
ރުބީނާ މިވާހަކަތަށް ހިއްސާކުރަނީ ވަރަށް ހިތްދަތިކަމާއި އެކުއެވެ. އަދި ފަހުން އަބިނަވްވެސް ފެންނަނީ ދެރަވެފައި ހުއްޓާއެވެ. އަދި އެހެން ބައިވެރިންވެސް އެމީހުންގެ ސިއްރުތައް ކިޔައިދީ ރޯތަން ފެނެއެވެ.
