ފުލުހުންގެ ވަޒީފާއިން ވަކިކުރުމަށް ޕޮލިސް ބޯޑުން ލަފާ ދީފައިވަނިކޮށް، ޗީފް ސުޕްރިންޓެންޑެންޓް މުހައްމަދު ދާއޫދަށް ރައީސުލްޖުމްހޫރިއްޔާގެ މެޑަލް އެރުވުމާއި ގުޅިގެން ޕޮލިސް ބޯޑުން ރައީސަށް ޝަކުވާ ހުށަހަޅައިފިއެވެ.
ދާއޫދު ފުލުހުންގެ ވަޒީފާއިން ވަކިކުރުމަށް ލަފާ ދީފައިވަނީ އެމްއެމްޕީއާރުސީގެ ޚިޔާނާތުގެ ފައިސާ ލިބުނުކަމަށް ތުހުމަތު ކުރެވިގެންނެވެ. ފުލުސް ބޯޑުވަނީ ދާއޫދާއެކީ އިތުރު 5 އޮފިޝަލަކު މަގާމުން ވަކިކުރުމަށް ނިންމާފައެވެ. އެހެންނަމަވެސް އެމައްސަލަ ސިވިލް ކޯޓަށް ހުށަހެޅުމުން އެކޯޓުންވަނީ އޭގެތެރެއިން 3 އޮފިސަރަކު ވަކި ނުކުރުމަށް އަމުރު ކޮށްފައެވެ.
އެއަށްފަހު ދައުލަތުން މިހާރުވަނީ އެމައްސަލަ ހައި ކޯޓުގައި އިސްތިއުނާފްވެސް ކޮށްފައެވެ.
ފުލުހުންނަށް ދެވޭ އެންމެ ޝަރަފްވެރި މެޑަލް ކަމުގައިވާ ރައީސުލްޖުމްހޫރިއްޔާގެ މެޑަލް އަރުވާފައިވަނީ ފާއިތުވި މާރޗްމަހުގެ 29 ވަނަ ދުވަހު ބެއްވުމުން ފުލުހުންގެ އަހަރީ ދުވަހުގެ ޖަލްސާގައެވެ. މި މެޑަލް 5 އޮފިސަރަކަށް ލިބިފައި ވެއެވެ.
މައުލޫމާތު ލިބިފައިވާ ގޮތުގައި ދާއޫދަށް ރައީސްގެ މެޑަލް އެރުވި މައްސަލަ ރައީސަށް ހުށަހަޅާފައިވަނީ ފާއިތުވެދިޔަ ހަފްތާގައެވެ.
ކޮމެންޓު ފޮނުވާ