މިއަށްފަހު ރޯދަ ހިފުމާއި ނުހިފުމުގެ މައްސަލާގައި މީސްތަކުން ދިހަ ބަޔަކަށް ބެހިގެންވެއެވެ.

ފަސްވަނަ ބައި: ފަސޭހަވާނެ ކަމުގެ އުއްމީދު ނެތް ގޮތުގައި ރޯދަ ހިފުމަށް ނުކުޅެދިފައިވާ މީހުން. މިޘާލަކަށް ޢުމުރުން ދުވަސްވީ މީހުން، ކެންސަރުގެ ފަހު ސްޓޭޖްގައި ހުރުން ފަދަ ފަސޭހަވާނެ ކަމުގެ އުއްމީދު ނެތް ބަލިތަކުގެ އަހްލުވެރިން، އެފަދަ މީހުން ރޯދަ ހިފާކަށް ނުޖެހޭނެއެވެ. ސޫރަތުއް ތަޣާބުންގެ 16 ވަނަ އާޔަތުގައި މާތް ﷲ ވަޙީ ކުރައްވާފައިވެއެވެ. (فَاتَّقُوا اللَّـهَ مَا اسْتَطَعْتُمْ  ) މާނައަކީ: "ފަހެ، ތިޔަބައިމީހުންނަށް ކުޅަދާނަވީވަރަކުން، ތިޔަބައިމީހުން اللَّه އަށް تقوى ވެރިވާށެވެ!"  ސޫރަތުލް ބަގަރާގެ 286 ވަނަ އާޔަތުގައި މާތް ﷲ ވަޙީ ކުރައްވާފައިވެއެވެ. (لَا يُكَلِّفُ اللَّـهُ نَفْسًا إِلَّا وُسْعَهَا  ) މާނައަކީ: "اللَّه، އެއްވެސް نفس އަކަށް، އެ نفس އަކަށް ކުޅަދާނަވެގެންވާ ކަމަކަށް މެނުވީ تكليف އެއް ނުޖައްސަވައެވެ."

މިފަދަ މީހުން ކޮންމެ ރޯދައެއްގެ ބަދަލުގައި މިސްކީނަކަށް ކާންދޭން ޖެހޭނެއެވެ.