ރައީސް ޔާމީންގެ އަމާޒަކީ ޤާނޫނީ އިމުގެ ތެރެއިން ސަރުކާރު ބަދަލުކުރުންކަމަށް ޕީއެންސީގެ ނާއިބު ރައީސް އަދި މަޑުއްވަރީ ދާއިރާގެ މެންބަރު އާދަމް ޝަރީފް ޢުމަރު ވިދާޅުވެއްޖެއެވެ.
އާދަމް ޝަރީފް މިހެން ވިދާޅުވީ، ކުރިއަށް އޮތް ލޯކަލް ކައުންސިލް އިންތިޚާބުގައި މިސަރުކާރު ބަލިކޮށްލުމަށް އެދިވަޑައިގެން ރައީސް ޔާމީން އިއްޔެ ދެއްވި މެސެޖާއި ގުޅިގެން ކުރެއްވި ޓްވީޓެއްގައެވެ. އާދަމް ޝަރީފް ވިދާޅުވީ، ރައްޔިތުންނަށް ރައީސް ޔާމީން އިތުބާރު ކުރައްވާކަމަށާއި، އެމަނިކުފާނަށް ކުރަމުންދާ އަނިޔާތައް ތަހައްމަލު ކުރައްވަނީ ރައްޔިތުންނަށްޓަކައިކަމަށެވެ. އެމަނިކުފާނުގެ އަމާޒަކީ ޤާނޫނީ އިމުގެ ތެރެއިން ސަރުކާރު ބަދަލުކުރުންކަމަށްވެސް އާދަމް ޝަރީފް ޢުމަރު ވިދާޅުވިއެވެ.
ރައީސް ޔާމީންގެ ހިތްވަރުން އުއްމީދު އާލާވެ ކުރިޔަށް ދާނެ މަގު ދަނީ ކޮށެމުން.
-މަޑުއްވަރީ ދާއިރާގެ މެންބަރު އާދަމް ޝަރީފް ޢުމަރު ވިދާޅުވިއެވެ.
Rayyithunnah RY ithubaaru kuravvaa. Emanikufaanah kuramundhaa aniyaathah thahammalu kuravvanee rayyithunnattaa. Emanikufaanuge amaazakee qaanoonee imuge therein sarukaaru badhalu kurun. RY ge hiiyvarun umeedhu aalaave kuriyah dhaane magu dhanee koshemun. IA. pic.twitter.com/AYKUBgRWaG
— Adam Shareef Umar (@Adamshareefz) November 28, 2020
އިދިކޮޅު ކޯލިޝަން މިވަގުތު ހިންގެވުމާއި ހަވާލުވެ ހުންނެވި އިދިކޮޅު ލީޑަރު ޢަބްދުއްރަޙީމް ޢަބްދުﷲއާއި ރައީސް ޔާމީން އިއްޔެ ޖަލުގައި ބައްދަލުކުރައްވާ ވަނީ އަންނަ ލޯކަލް ކައުންސިލް އިންތިޚާބުގައި މިސަރުކާރު ބަލިކޮށްލުމަށް އެދިވަޑައިގެންފައެވެ. އެއީ އެމަނިކުފާނަށްޓަކައި ރައްޔިތުންނަށް ކޮށްދެވޭނެ އެންމެ މުހިންމު މަސައްކަތްކަމަށާއި، ދިވެހި ރައްޔިތުންގެ ހައްގުގައި ވާންޖެހުނު ކޮންމެ ޤުރުބާނީއެއް ވުމަށް ތައްޔާރަށް ހުންނެވިކަމަށްވެސް ރައީސް ޔާމީން ވިދާޅުވެފައިވެއެވެ.
އަދި ކޮންމެ ފަދަ ޙާލަތެއްގައިވެސް ޤައުމު ދޫކުރައްވާ ވަޑައިނުގަންނަވާނެކަމަށާއި، ކައުންސިލް އިންތިޚާބުގައި މިސަރުކާރު ބަލިކޮށްލުމަށް ހުރިހާ ރައްޔިތުން ސާބިތުކަމާއެކު މަސައްކަތްކޮށްދެއްވުމަށްވެސް ރައީސް ޔާމީން އެދިވޑައިގެންފައިވެއެވެ.
ކޮމެންޓު ފޮނުވާ