މައްކާގައި އުމްރާވުމަށް ދިޔަ މީހުންގޮވައިގެން ދަތުރުކުރި ބަހެއް އެކްސިޑެންޓްވެ އޭގައި އަލިފާން ރޯވުމާއި ގުޅިގެން 20 އުމްރާވެރިން މަރުވެ 29 މީހަކަށް އަނިޔާ ވެއްޖެ ކަމުގައި ސައުދީ އަރަބިއާގެ ލޯކަލް މީޑިއާތަކުން ރިޕޯޓު ކޮށްފިއެވެ.
ބައެއް މީޑިއާތަކުން ހާމަ ކޮށްފައިވާ ގޮތުގައި މި އެކްސިޑެންޓުގައި މަރުވި މީހުންގެ އަދަދު އިތުރުވުމަކީވެސް އެކަށީގެންވާ ކަމެކެވެ.
މި އެކްސިޑެންޓުގައި މަރުވި މީހުންގެ ތެރޭގައި ސައުދީ ރައްޔިތުންގެ އިތުރުން އެހެން ގައުމުތަކަށް ނިސްބަތްވާ މީހުންވެސް ހިމެނޭކަމަށް ރަސްމީ ފަރާތްތަކުން ވިދާޅުވެފައި ވެއެވެ.
ސޯޝަލް މީޑިއާތަކުގައި ދައުރުވަމުންދާ ވީޑިއޯތަކުން ފެންނަ ގޮތުގައި، ފަރުބަދައެއްގެ ނިމޭ ހިސާބުގައި އެކްސިޑެންޓްވި ބަސްވަނީ އެކީ ކަހަލަގޮތަކަށް ފުނޑުފުނޑު ވެފައެވެ.
Watch: At least 20 pilgrims were killed and another 29 were injured in a fiery bus crash while on their way to perform the #Umrah pilgrimage in #Mecca, local Saudi media report.#Ramadanhttps://t.co/ckW4pqyF3j pic.twitter.com/VCMdYGuzmC
— Al Arabiya English (@AlArabiya_Eng) March 28, 2023
ރިޕޯޓުތައް ބުނާ ގޮތުގައި މި އެކްސިޑެންޓް ހިނގާފައިވަނީ 14 ކިލޯ މީޓަރު ހުންނަ އަޤަބަތު ޝާރު މަގުގައެވެ. އެކްސިޑެންޓް ވިއިރު މި ބަސް ދަތުރުކުރަމުން ގޮސްފައިވަނީ ޚާމިސްއިން އަބުހާ އަށެވެ.
ރިޕޯޓުތައް ބުނެފައިވާ ގޮތުގައި، އެކްސިޑެންޓް ހިގަން ދިމާވީ، ބަސް ދަތުރު ކުރަމުންދިޔަ ބުރިޖުން ތިރިއަށް ފައިބަމުން ދަނިކޮށް ބަހުގެ ބްރޭކްތައް ފެއިލްވެ، ބުރިޖްގެ ކޮޅުގައި ހުރި ބޮލޮކުގައި ޖެހި، ބަސް ފޮރޮޅި އަދި ހުޅު ރޯވުމުގެ ސަބަބުން ކަމުގައެވެ.
މި އެކްސިޑެންޓަށްފަހު، ސައުދީ ސިވިލް ޑިފެންސާއި އަދި ރެޑް ކްރެސެންޓުން މި ސަރަހައްދަށް ދިއުމަށްޓަކާ އަޤަބަތު ޝާރަށް ދެވެން ހުރި ހުރިހާ މަގުތަކެއް ވަނީ ބަންދު ކޮށްފައެވެ. އަދި އަނިޔާވި އުމުރާވެރިން ވަނީ ފަރުވާއަށް ހޮސްޕިޓަލަށް ގެންދެވިފައެވެ.
މި އެކްސިޑެންޓު ހިނގާފައި މިވަނީ، ބަރަކާތްތެރި ރަމަޟާންމަހަށް، ގިނަ އަދަދެއްގެ މީހުން އުމްރާ ކުރުމަށް ސައުދީއަށް ދަތުރު ކުރަމުންދާ ދަނޑިވަޅެއްގައެވެ.
