މަމްސް އެއިޑަކީ އަންހެނުން، ޚާއްސަކޮށް މަންމައިން، ބާރުވެރިކުރުވައި އެހީތެރިކަން ފޯރުކޮށްދިނުމުގެ މަޤްސަދުގައި އުފެދިފައިވާ ޖަމިއްޔާއެކެވެ. 'ރަމަޟާން އެއިޑް' އަކީ ރާއްޖޭގެ އެކި ކަންކޮޅުތަކުގައި އެހީއަށް ބޭނުންވެފައިވާ އާއިލާތަކަށް އެހީތެރިކަން ފޯރުކޮށްދިނުމަށް މަމްސް އެއިޑުން ހިންގާ މުހިންމު ޕްރޮގްރާމެކެވެ.

މި ކެމްޕެއިނާ ގުޅިގެން ދިރާގުން މަޢުލޫމާތުދީފައިވާ ގޮތުގައި ރަމަޟާން މަހު ރާއްޖޭގައި، އެކި އެހީތެރިކަން ބޭނުންވެފައިވާ މައިންނަށް އެހީތެރިވުމުގެ ގޮތުން މަމްސް އެއިޑަށް އެއްބާރުލުން ދިނުމަކީ ދިރާގަށް ލިބޭ ބޮޑު އުފަލެއް ކަމަށް ބުނެފައިވެއެވެ. އަދި އަންހެނުން ބާރުވެރިކުރުމާއި އެހީތެރިކަން ފޯރުކޮށްދިނުމަކީ ދިރާގުގެ ސީއެސްއާރުގެ ދަށުން ބޮޑު އަހަމިއްޔަތުކަމެއް ދޭ ކަމެއް ކަމަށް ވެސް ބުނެފައިވެއެވެ.

މި ކެމްޕެއިނާއި ގުޅިގެން މަމްސް އެއިޑްގެ ޕްރޮގްރާމުން އިތުރަށް ބުނެފައިވާ ގޮތުގައި ރާއްޖޭގެ އެކި ކަންކޮޅުތަކުގައި މަމްސް އެއިޑްގެ ބެލުމުގެ ދަށުގައި ތިބި 100 އާއިލާއަކަށް މި ޕްރޮގްރާމުގެ ދަށުން އެހީތެރިވެވޭނެއެވެ. އަދި ދިރާގުން އެ ޕްރޮގްރާމަށް ދިން އެހީތެރިކަމަށް މަމްސް ޖަމިއްޔާއިން ވަނީ އެކުންފުންޏަށް ޝުކުރު އަދާކުރައްވާފައެވެ.

މަމްސް އެއިޑްގެ 'ރަމަޟާން އެއިޑް' ކެމްޕެއިނަށް އެހީތެރިކަން ފޯރުކޮށްދިނުމުގެ ފުރުޞަތު އާންމުންނަށް ވެސް ވަނީ ހުޅުވާލެވިފައެވެ.