ގއ. ކޮލަމާފުށީ ގެއެއްގައި ހިންގަމުންދިޔަ ޕްރިންޓް ކުރާ ތަނެެއްގައި އަލިފާން ރޯވެއްޖެއެވެ.
އެރަށު ފެނިގެއްލިދާގޭގައި ހުންނަ އެ ފިހާރައިގައި ރޯވި އަލިފާންގަނޑު، ކޮންޓްރޯލެއް ނެތި ދަނީ ވަރަށް ބޮޑަށް ފެތުރެމުންނެވެ. ފުލުހުންގެ މީޑިއާ އޮފިޝަލަކު ވިދާޅުވީ، އެރަށުގައި ޕްރިންޓް ކުރުމަށް ބޭނުން ކުރާ ތަނެއްގައި އަލިފާނުގެ ހާދިސާއެއް ހިނގައިގެން، އަލިފާން ނިއްވުމުގެ މަސައްކަތް ފުލުހުންނާއި ރަށުގެ ރައްޔިތުން ގުޅިގެން ކުރަމުން އަންނަ ކަމަށެވެ.
މައުލޫމާތު ލިބިފައިވާ ގޮތުގައި އަލިފާން ރޯވެފައިވަނީ މާލެ ސިޓީ ކައުންސިލްގެ ޑެޕިއުޓީ މޭޔަރު ނަރީޝްގެ ގޭގައެވެ. އޭނާގެ ގޭގައި ހުރި މުދާތައް ރައްޔިތުންނާއި ފުލުހުން ވެގެން ވަނީ ނެރެފައެވެ.
ކޮލަމާ ފުށީގައި ރޯވި ޕްރިންޓް ކުރާ ތަނަކީ މިހާރުވެސް ބޭނުން ކުރަން ދާ ތަނެވެ. އެތަނާއި ޖެހިގެން ހުރީ ގުދަނެކެވެ. އެތަނުގައިވެސް ވަނީ ރޯވެފައެވެ. އެތަނުގައި ރޯވާން މެދުވެރިވި ސަބަބު އަދި ނޭނގެއެވެ.
