މިދިއަ ހަފްތާގައި ކަޝްމީރުގައި ޝޫޓިންގ ފެށި އާލިއާ ގެ ޝޫޓީން ނިންމައި މުމްބައި އަށް އައިފިއެވެ. އާލިއާ ބަޓް ދަރިއަކު ލިބުން ފަހުން ފުރަތަމަ ފަހަރަށް ފިލްްމްއެއްގެ ޝޫޓިންގ ގައި ބައިވެރިވެފައި ވާއިރުގައި މި ޝޫޓިން ކުރިއަށް ދިއައި 5 ދުވަހުގެ މުއްދަތަށެވެ.
ކަރަން ޖޯހަރްގެ "ރޮކީ އޯރް ރާނީ ކީ ޕްރޭމް ކަހާނީ" އިން ޝޫޓް ނުކުރެވި އޮތް ހަމައެކަނި ލަވަ އޭނާ ކަޝްމީރުގައި ނަގައިފައި ވާއިރުގައި މިހާރު ފިލްމް ގެ ޝޫޓިން ވަނީ އެއްކޮން ނިމިފައިއެވެ. މި ފިލްމް އަކީ އާލިއާ ވިހެއުމުގެ ކުރިން ޝޫޓިން ނިންމައިފައި އޮތް ފިލްމް އެކެވެ. އާލިއާ ބަނޑުބޮޑުކަން އިއުލާން ކުރުމާއި އެކުގައި ފިލްމް ގެ ލަވަ ޝޫޓް ނުކުރެވި އޮތީއެވެ.
މިދިއަ އަހަރުގެ ނޮވެމްބަރު މަހުގެ 6 ވަނަ ދުވަހު ދަރިއަކު ލިބުން އާލިއާ ޝޫޓިން ކަޝްމީރުގައި ގެންގޮސްފައިވަނީ އޭނާ އަށް ދަރިފުޅު ކުޑަ ކަމުން ބާއްވާފައި ދުރު ހިސާބަކަށް ދާން ބޭނުން ނުވުމުންނެވެ. މި ލަވަ ކުރިން ނެގުމަށް ނިންމައިފައި އޮތީ ޔޫޕަގައިއެވެ.
View this post on Instagram
މި ލޯބީގެ ލަވަ އަކީ ކަރަން، އޭނަ މެންޓޯއެއްގެ ގޮތުގައި އަބަދު ވެސް ބަލަމުން އައި ކުރީގެ ޑައިރެކްޓަރު ޔާޝް ޗޯޕްޅާ އަށް ދޭ ޓްރިބިއުޓެއްގެ ގޮތުގައި ހަދާ ލަވައެކެވެ.
މި އަހަރުގެ ޖުލައި 29 އަށް ތާވަލުކޮށްފައިވާ "ރޮކީ އޯރް ރާނީ ކީ ޕްރޭމް ކަހާނީ" އަކީ ކަރަންއާ އެކީ އާލިއާ މަސައްކަތްކުރާ ދެވަނަ ފިލްމެވެ. މި ފިލްމްގެ ކާސްޓުގައި ދަރުމެންދުރާ، ޖަޔާ ބައްޗަން އަދި ޝަބާނާ އާޒްމީ ވެސް ހިމެނެ އެވެ.
