މިއަހަރު ބާއްވާ ރިޔާސީ އިންތިޚާބުގައި ވެރިކަން ކުރާ ކޯލިޝަންގެ މައި ޕާޓީ އެމްޑީޕީން ވެރިކަމަށް އައުމަށް ޕާޓީތަކާއިއެކު ކޯލިޝަން ހެދުމަށްޓަކައި މިހާތަނަށް އެމްޑީޕީއަށް ނިސްބަތްވާ 10 ދާއިރާއެއް ގުރުބާން ކޮށްފައިވަކަމަށް ރައްޔިތުންގެ މަޖިލީހުގެ މަހިބަދޫ ދާއިރާގެ މެމްބަރު އަހުމަދު ތޯރިގު، ޓޮމް ވިދާޅުވެއްޖެއެވެ.

ރައްޔިތުންގެ މަޖިލީހުގެ މަކުދޫ ދާއިރާގެ މަޖިލިސް ގޮޑި ކުރިއަށް އޮތް މަޖިލިސް އިންތިޚާބުގައި މިހާރުގެ ވެރިކަން ކުރާ ކޯލިޝަންގައި ހިމެނޭ އަދާލަތު ޕާޓީއަށް ދޭން ނިންމާފައިވާކަމަށް ސޯޝަލް މީޑިއާގައި ދަނީ ވާހަކަ ދެކެވެއެވެ. ވެރިކަން އެއްބުރުން ކާމިޔާބު ކުރުމަށް ރައީސް އިބްރާހިމް މުހައްމަދު ޞާލިހު ކޯލިޝަން ހެދުމަށް ކުރައްވާ މަސައްކަތުގައި މިހާތަށް ވަނީ އަދާލަތު ޕާޓީއާއި، އެމްޑީއޭއާއިއެކު ކޯލިޝަން ހަދާފައެވެ.

މީގެ ތެރެއިން އަދާލަތު ޕާޓީއާއިއެކު ހެދި ކޯލިޝަން އެއްބަސްވުމުގައި ކުރިއަށް އޮތް މަޖިލިސް އިންތިޚާބުގައި އެޕާޓީން ބޭނުންވާ ބައެއް ދާއިރާތައް ދިނުމަށް އެމްޑީޕީން އެއްބައިވެފައިވާކަމަށް ދަނީ އަޑުތައް ފެތުރެމުންނެވެ. އޭގެ ތެރޭގައި މަކުނުދޫ ދާއިރާގެ މެމްބަރު މުހައްމަދު ރާއީ ތަމްސީލް ކުރަމުންދާ މަކުނުދޫ ދާއިރާވެސް ހިމެނޭކަމަށް ދަނީ އަޑުތައް ފެތުރެމުންނެވެ.

މިވާހަތަކާއި ގުޅިގެން މެމްބަރު ރާއީ ވިދާޅުވެފައިވަނީ ރައްޔިތުންގެ މަޖިލީހުގެ ގޮޑިއަކީ ވަކި މީހަކު ނުވަތަ ވަކި ޕާޓީއަކީ ބޭނުންވެގެން ބޭނުންހާ ގޮތަށް ނިންމޭނެ ކަމެއް ނޫންކަމަށެވެ. އެއީ އެދާއިރާއެއްގެ ރައްޔިތުން ނިންމާ ނިންމުމެއް ކަމަށާއި، ދާއިރާގެ ރައްޔިތުން ނޭދޭ ގޮތަށް މަޖިލިސް ގޮޑި ނުދެވޭނެކަމަށް ރާއީ ވިދާޅުވިއެވެ. އޭނާ ވިދާޅުވީ މިފަދަ ވާހަކަ ދައްކަނީ ޝައްކާއި ވަހުމް އުފެއްދުމުގެ މަގުސަދުގައިި ކަމަށެވެ.

ރާއީގެ ވާހަތަކާއި ގުޅިގެން މަޖިލީހުގެ މަހިބަދޫ ދާއިރާގެ ގޮޑި ތަމްސީލް ކުރައްވަމުންދާ ޕީޕީއެމްގެ މެމްބަރު އަހުމަދު ތޯރިގު ވިދާޅުވީ ކޯލިޝަން ހެދުމަށްޓަކައި މެމްބަރު ރާއި ހިމެނޭހެން އެމްޑީޕީއަށް ނިސްބަތްވާ 10 މެންބަރުންގެ ދާއިރާވަނީ ގުރުބާންކޮއްފައި ކަމަށެވެ.

މެމްބަރު ރާއި ހިމެނޭހެން އެމްޑީޕީއަށް ނިސްބަތްވާ 10 މެންބަރުންގެ ދާއިރާވަނީ ގުރުބާންކޮއްފައި. https://t.co/yDNKaEvxqW

— Ahmed Thariq (@AhmedThaariq) March 3, 2023

ދިވެހިރާއްޖޭގެ ވެރިކަމަށް 2033 ވަނަ އަހަރު އަންނާކަން އަދާލަތު ޕާޓީން ވިސްނުންހުރި އިރު، މިހާތަނަށް އެޕާޓީއަށް ސިޔާސީ މަސްރަހުގައި މާބޮޑު ކާމިޔާބީއެއް ލިބިފައި ނުވެއެވެ. ސަރުކާރުގެ ކޯލިޝަން ބައިވެރިންގެ ގޮތުގައި އަދާލަތު ޕާޓީގެ ބޭފުޅުން ސިޔާސީ މަގާމުތަކުގައި ތިއްބެވި ނަމަވެސް ރައްޔިތުން ވޯޓަކުން ހޮވާ މަގާމުތަކަށް އެޕާޓީގެ މެންބަރުން އިންތިޚާބު ވަނީ ވަރަށް މަދުންނެވެ. 2005 ވަނަ އަހަރު އުފެއްދި އަދާލަތު ޕާޓީއަށް ތާރީޚްގައި ވެސް އަދި މިހާތަނަށް ރައްޔިތުންގެ މަޖިލީހުގެ އިންތިޚާބުގައި ވެސް ކާމިޔާބު ކުރެވުނީ އެންމެ ގޮނޑިއެކެވެ. އެއީ 2014 ވަނަ އަހަރުގެ އިންތިހާބުގައި ޑރ.އަނާރާ ނައީމް ކާމިޔާބު ކުރި ގޮނޑިއެވެ.

އަދާލަތުން ވަނީ މިފަހަރުގެ ރިޔާސީ އިންތިޚާބުގައި ރައީސް ޞާލިހާއި އެކު ކުރިއަށް ދިއުމަށް ނިންމައި، އެމްޑީޕީއާއިއެކު ކޯލިޝަން ހަދާފައެވެ. މިނިންމުމާއި ދެކޮޅަށް ގިނަ އަދަދެއްގެ އިލްމުވެރިން ވަނީ ފާޑުވިދާޅުވެފައެވެ.