ސަމަންތާ ރޫތް ޕްރަބޫ އަކީ ތެލެގޫ އަދި ތަމަޅަ ސިނަމާގައި މަސައްކަތްކޮށްފައިވާ މަޝްހޫރު ބަތަލާއެކެވެ. އޭނާ ބޮލީވުޑަށް ތައާރަފުވީ 2010 ވަނަ އަހަރު ރިލީޒްކުރި ތެލެގޫ ފިލްމު "ޔޭ މާޔާ ޗެސާވޭ" އިން ނެވެ.
ދާދި ފަހުން އޭނާ ވަނީ "ޕުޝްޕާ: ދަ ރައިޒް"ގެ "އޯ އަންތަވާ އޫ އޯ އަންތާވާ" ލަވައިން ސިޒްލިން ޕާފޯމަންސަށް ފަހު ގިނަ ބައެއްގެ މަގުބޫލުކަން ހޯދާފަ އެވެ. ސަމަންތާ އަކީ އޭނާގެ ސޯޝަލް މީޑިއާ ހޭންޑްލްތަކުގައި ވަރަށް އެކްޓިވް ކޮށް އުޅޭ ބަތަލާއެއް ކަމަށާއި އަދި ކޮންމެ ދުވަހަކުވެސް ފޭނުންނަށް އޭނާ ތަފާޓު އެއްޗެހި ޝެއާ ކުރަމުންގެންދާ ކަމީ އޮޅިފައި އޮންނާނެ ކަމެއް ނޫނެވެ.
ތަފާޓު އެކި ކަންކަމަށް އަލި އަޅުވައިލާ ތަފާތު ޕޯސްތްތަށް އޭނާ ކުރެއެވެ. ކަސްރަތުގެ ޕޯސްޓުތަކަށް ވިޔަސް، ފޮޓޯޝޫޓް ވިޔަސް، ފިލްމުޕްރޮމޯޝަނުގައި ވިޔަސް، އަދި ޗުއްޓީގައި ހޭދަކުރާ ފޮޓޯތަކަށް ވިޔަސް، ޕުޝްޕާ ބަތަލާއަށް އަބަދުވެސް ފޭނުންގެ ސަމާލުކަން ހޯދައެވެ.
View this post on Instagram
ސަމަންތާ ދާދި ފަހުން ސޯޝަލް މީޑިއާގައި ވަނީ ފިލްމީ ދާއިރާއަށް 13 އަހަރު ފުރުން ފާހަގަކުރުމަށް ޕޯސްޓެއް ކޮށްފައިއެވެ. ކާމިޔާބު އެތަށް ފިލްމް އެއް ކުޅެ އަދި ބޮކްސް އޮފީގައިވެސް ކާމިޔާބު ފިލްމް ތަކެއް ކުޅެފައިވާ 35 އަހަރުގެ ބަތަލާ ވަނީ ސަޕޯޓަރުންނަށް ޝުކުރު އަދާކޮށްފައިއެވެ.
"އަހަރެން މި ހިސާބަށް އައީ ސަޕޯޓަރުންގެ ސަބަބުން. ފާއިތުވި 13 އަަހަރުގެ ތެރޭގައި މިހާސަބަށް ގެނެސްދީން ބަޔަކީ ސަޕޯޓަރުން. މިއަދު މި ފެންނަ ސަމަންތާ ސަމަންތާ އަކަށް ހަދައިދިން ބަޔަކީ ސަޕޯޓަރުން" ސަޕޯޓަރުންނަށް ޝުކުރު އަދާކޮށް ކުރި ޕޯސްޓުގައި ސަމަންތާ ބުނެފައިއެވެ.
View this post on Instagram
ސަމަންތާ މޮޑެލް ކުރަން ފެށީ ކޮމާސް އިން ޑިގްރީ ހަދަމުން ދިޔަ ދުވަސްވަރުގައިއެވެ. 2010 ވަނަ އަހަރު ރިލީޒްކުރި ތެލެގޫ ފިލްމު "ޔޭ މާޔާ ޗެސާވޭ"" އިން އޭނާ އަށް ވަނީ އެންމެ މޮޅު އަންހެން ޑެބިއު – ސައުތުގެ ފިލްމްފެއާ އެވޯޑް ވެސް ލިބިފަ އެވެ.
އަދި 2012 ވަނަ އަހަރު ރިލީޒްކުރި "ނީތާނޭ އެން ޕޮންވަސަންތަމް" އާއި "އީގާ" އިން އެންމެ މޮޅު ބަތަލާ – ތަމަޅަ އަދި އެންމެ މޮޅު ބަތަލާ – ތެލެގޫ ގެ ފިލްމްފެއާ އެވޯޑް ވެސް އެ އަހަރު ވަނީ ހާސިލްކޮށްފަ އެވެ.
"ޔޭ މާޔާ ޗެސާވޭ" އިން ފެނިގެން ދިއުމަށް ފަހު 2010 ވަނަ އަހަރު އެކްޓަރު ނާގާ ޗައިތަންޔާއާ ލޯބީގެ ގޮތުން ގުޅިގެން އުޅެން ފެށި ސަމަންތާ ކައިވެނި ކުރީ 2017 ވަނަ އަހަރުގެ އޮކްޓޯބަރު މަހުގައިއެވެ. އެކައިވެނި ކުރެވިގެން ދިއައީ ހިންދޫ އަދި ކްރިސްޓިއަން އާދަކާދައެއްގެ ގޮތުގަ އެވެ. ނަމަވެސް 2 އޮކްޓޯބަރު 2021 ގައި އެ ދެމީހުން ވަކިވިކަން ވަނީ އިއުލާން ކޮށްފައިއެވެ.
