އެއް އަހަރުގެ ކުއްޖަކު ޓެކްސީއެއްގައި ހޮޑުލުމުން، ޓެކްސީ ސާފުކުރުމަށް ކުއްޖާގެ ބެލެނިވެރިޔާގެ އަތުން 1000 ރުފިޔާ ނަގައިފިއެވެ.
ކުއްޖާގެ މަންމަ ސޯޝަލް މީޑިއާގައި ހާމަކުރި ގޮތުގައި، މި ހާދިސާ ހިނގީ މާފުއްޓަށް ދަތުރުކުރުމަށް ހުޅުމާލެއިން މާލެ ޖެޓީއަށް ދިއުމަށް ޓެކްސީ ނެގުމުންނެވެ. ދަތުރުގެ ތެރޭގައި ކުއްޖާ ހޮޑުލުމުން، ޓެކްސީ ދޮވުމަށް ބޮޑު ހަރަދެއް ދާނެކަމަށް ބުނެ ޑްރައިވަރު ފުރަތަމަ އެދުނީ 1500 ރުފިޔާއަށެވެ. ނަމަވެސް ހޮޑު ހުރީ މަދުން، ސީޓުގައި ހިކިފައި ކަމަށް މަންމަ ބުންޏެވެ. އެ އަދަދު މާބޮޑުވާކަމަށް ބުނުމުން ޑްރައިވަރު ވަނީ އަގު 1000 ރުފިޔާއަށް ދަށްކޮށްދީފައެވެ.
މި މައްސަލައާ ގުޅިގެން ބެލެނިވެރިޔާ ވަނީ އެ ޓެކްސީ ރަޖިސްޓްރީކޮށްފައިވާ "ނަލަ ޓެކްސީ"އަށް ޝަކުވާ ހުށަހަޅާފައެވެ. ނަމަވެސް އަދިވެސް ސެންޓަރުން ޖަވާބެއް ނުލިބޭ ކަމަށް އޭނާ ބުންޏެވެ.
ކޮމެންޓު ފޮނުވާ