32 އަހަރު ބޮލީވުޑްގެ ޒުވާން ބަތަލާ ކްރިތީ ސެނޮން އާއި 43 އަހަރުގެ ސައުތުގެ ސްޕަސްޓާރު ޕްރަބާސް އުޅެނީ ރައްޓެހި ވެގެން ކަމުގެ އަޑުތަށް ގަދަވެގެން ގޮސްފައިވާ އިރުގައި އެމީހުން އެންގޭޖްމެންޓް ޕްލޭން ކުރަމުން އަންނަ ކަމަށް ހަބަރުތަށް ބުނެފިއެވެ.

އެދެތަރިން އެކުގައިި ކުޅޭ އަލަތު ފިލްމް ގެ ޝޫޓިން ފެށުމާއި އެކުގައި އެމީހުން ލޯބީގެ ގޮތުން ގުޅިގެން އުޅޭ ކަމަށާއި ވަރަށް އަވަހަށް ކައިވެނި ކުރާނެ ކަމަށް ބުނެ މީޑިއާއިން ވަނީ އަޑު ފަތުރާފައިއެވެ. މި ވާހަކަ ތަކާއި ދެކޮޅަށް މި ދެމީހުން ކުރެ އެކަކު ވެސް މިހާތަނަށް ވާހަކަ ދައްކައިފައިއެއް ނުވެއެވެ.

އޭގެ ބަދަލުގައި މީޑިއާ އާއި ވާހަކަ ދައްކަމުން ކްރިތީ ބުނެފައިވަނީ ޕްރަބާސް އާއި ކައިވެނި ކުރުމުގެ ފުރުސަތު ލިބިއްޖެ ނަމަ އެފުރުސަތު ގެ ބޭނުން ހިފާނެ ކަމަށެވެ. ނަމަވެސް ރައްޓެހި ވެގެން އުޅޭ ކަމަކަށް އޭރުވެސް އެއްބަސް ވެފައިއެއް ނުވެއެވެ. ނަމަވެސް އިންޑަސްޓްރީގެ ކްރިތީ ގާތް އެކުވެރިން ވަނީ އޭނާ އާއި ޕްރަބާސް އާއި އަޅުވާ ކިޔައި ވާހަކަ ދައްކައިފައިއެވެ.

 

View this post on Instagram

 

A post shared by Prabhas (@actorprabhas)

މިހާރު އަޑުތައް ފެތުރިފައި ވަނީ އެ ދެ މީހުންގެ ގުޅުން އިތުރު ހަރުފަތަކަށް އެ ގުޅުން ގެންދަން ނިންމާފައިއެވެ. ފިލްމް ކްރިޓިކަކު ކުރި ޓުވީޓެއްގައި ބުނީ ޕްރަބާސް އާއި ކްރިތީ ސެނަން ވަރަށް އަވަހަށް ރާއްޖޭގައި އެންގޭޖްވާން ހަމަޖެހިފައިވާ ކަމަށާއި އެމީހުން އެންގޭޖް ވާނީ ރާއްޖޭގައި ކަމަށެވެ. ރާއްޖެ އަކީ ބޮލީވުޑްގެ ގިން ތަރިންގެ މެދުގައި ވަރަށް މަގުބޫލު މަންޒިލެކެވެ.

ނަމަވެސް މިކަމާއި ގުޅިން އަދި ދެމީހުން ކުރެ އެކަކުވެސް މިހަބަރު ކަށަވަރު ކޮށްދީފައިއެއް ނުވެއެވެ. ދެމީހުން ރައްޓެހި ވެގެން އުޅޭ ކަމަށް އެއްބަސް ނުވި ނަމަވެސް ސަޕޯޓަރުން ބުނާ ގޮތުގައި އެވާހަކަ ގަބޫލު ކުރަން ވަރަށް ދައްޗެވެ.

 

View this post on Instagram

 

A post shared by Kriti (@kritisanon)

ޕްރަބާސް އާއި އެކުގައި ކްރިތީ ފެނިގެން ދާނީ "އަދިޕްރުޝް" އިންނެވެ. އޯމް ރައުޓް ޑައިރެކްޓް ކުރާ މި ފިލްްމްގެ މުހިންމު ރޯލަކުން ބޮލީވުޑްގެ އެކްޓަރު ސައިފް އަލީ ހާން ވެސް ފެނިގެންދާނެއެވެ.