ބޮލީވުޑްގެ ޒުވާން ދެ ތަރިން ކަމުގައިވާ ވަރުން ދަވަން އާއި ޖާންވީ ކަޕޫރުގެ ކުރިއަށް އޮތް ފިލްމް "ބަވާލް" ރިލީޒް ކުރާ ތާރީހް ފަސްކޮށްފިއެވެ.
މި ފިލްމްއަކީ ވަރުން އާއި ޖަންވީ ކަޕުރު އެކުގައި ފެނިގެންދާ ފުރަތަމަ ފިލްމެއެވެ. މި ފިލްމް އަކީ ޒުވާން ދެ ތަރިންގެ އެކްޓިންގެ ހުނަރު ބަލާލުމަށް އޮތް ރަނުގެ ފުރުސަތެކެވެ. ފިލްްމ ރިލީޒް ކުރުމަށް ކުރިން ތާވަލް ކޮށްފައި އޮތީ މިއަހަރުގެ އެޕްރިލް މަހުގެ 7 ވަނަ ދުވަހަށެވެ.
ސާޖިދް ނަޑިއާޑްވާލާ ޕްރޮޑިއުސް ކުރާ މި ފިލްމަކީ ލޯބީގެ ފިލްމެކެވެ. އިންޑިއާގެ 3 ސަރަހަދެއްގެ އިތުރުން ޔޫރަޕްގެ 5 ގައުމެއްގައި މި ފިލްމުގެ ޝޫޓިންގ ކުރުމަށް ނިންމައިފައިވާ ފިލްމް ގެ ޝޫޓިންގެ ބޮޑުބައި މިހާރު އޮތީ ނިންމައިފައިއެވެ.
މިއީ ވަރުން އާއި ޖާންވީގެ އަލަތު ފިލްމް ކަމުން ގިނަބަޔަކު އަންނަނީ ފިލްމަށް އިންތިޒާރު ކުރަމުންނެވެ. ނިތޭޝް ތިވާރީ ޑައިރެކްޓްކުރާ މި ފިލްމް ފަސްކުރުމުން ދެން އަޅުވާނެ ތާރީހެއް އަދި އިއުލާނެއް ނުކުރެއެވެ.
