މަޝްހޫރު ޑައިރެކްޓަރު ރޯހިތު ޝެއްޓީގެ "ކޮޕް ޔުނިވާސް"ގެ ފުރަތަމ ވެބް ސީރީޒް "އިންޑިއަން ޕޮލިސް ފޯސް" ގެ ޝޫޓިންގ ނިންމާލައިފިއެވެ.
މިދިއަ އަހަރުގެ އެޕްރީލް މަހު ވަނީ މި ސީރީޒްގެ ފުރަތަމަ ޓީޒާ ބެލުންތެރިންނަށް ދޫކޮށްލައިފައެވެ. އެމެޒޯން ޕްރައިމް ވީޑިއޯއިން ސްޓްރީމްކުރުމަށް ހަމަޖެހިފައިވާ މި ސީރީޒްގެ ޝޫޓިިންގ ނިންމާލެވިއްޖެކަން ހާމަކޮށް، މި ސީރީޒްގެ މައިގަނޑު ރޯލަކުން ފެނިގެންދާ ޝިލްޕާ ޝެޓީ އިންސްޓަގްރާމުގައި ވަނީ ޕޯސްޓެއް ކޮށްފައިއެވެ.
މިދިޔަ އަހަރުގެ ތެރޭގައި ޝޫޓިން ފެށި މި ސީރީޒްގެ ފަހު ޝެޑިއުލް ނިންމާފައިވަނީ ހައިދަރުއާބާދުގަ އެވެ. މިދިޔަ އަހަރުގެ ތެރޭގައި ޝޫޓިން ފެށި މި ސީރީޒްއަކީ ގިނަ އަދަދެއްގެ ތަރިންނާއި އެކުގައި ރޯހިތު ގެނެސް ދޭ އެއްޗެކެވެ.
މި ބެސް ސީރީޒް އަކީ މަޝްހޫރު ބަތަލާ ޝިލްޕާ ޝެޓީ އާއި ޒުވާން އެކްޓަރު ސިދާތް މަލޯތްރާ އޯޓީޓީ ޕްލެޓްފޯމް އަށް ތައާރަފްވާ އެއްޗެކެވެ. އަދި އެދެމީހުންގެ ވެސް އަލަތު ވެބް ސީރީޒްއެވެ.
View this post on Instagram
އެންމެ ފަހުން ރޯހިތު ގެނެސްދިން ފިލްމް އަކީ "ސާކަސް"އެވެ. ނަމަވެސް އެ ފިލްމް ވެގެން ގޮސްފައިވަނި ބޮޑޫ ފްލޮޕްއަކަށެވެ. ފިލްމްގެ މައިގަޑު ކާސްޓަކީ ރަންވީރު ސިންގް އާއި ޖެކުއަލިން ފެނާންޑޭޒް އަދި ޕޫޖާ ހޭގްޅޭއެވެ. ފިލްމް އަކީ ރަންވީރު ޑަބަލް ރޯލުން ފުރަތަމަ ފަހަރަށް ފެނިގެން ދިއަ ފިލްމްވެސް މެއެވެ.
ރޯހިތު ދެން އެމްނެ އަވަހަށް ޝޫޓިންގ ފަށާނެ ފިލްމް އަކީ "ސިންގަމް އަގައިން" އެވެ. މީ ސީރީޒްގެ ތިން ވަނަ ފިލްމްއެވެ. ފިލްމްގެ ލީޑުން ފެނިގެންދާނީ އަޖޭ ދޭވްގަންއެވެ.
