މި މަހުގެ 20 ވަނަ ދުވަހުގައި ނެޓްފްލިކްސް ގައި ރިލީޒް ކުރި ފިލްމް މިޝަން މަޖުނޫ އަށް ލިބުން އަންނަ ތަރުހީބް ވަރަށް ބޮޑު ކަމަށް ހަބަރުތަށް ބުނެފިއެވެ.
ހަގީގީ ހާދިސާ އެއްގެ މައްޗަށް ގެނެސް ދޭ ފިލްމް "މިޝަން މަޖްނޫ" އޯޓީޓީ ޕްލެޓްފޯމްއެއް ކަމުގައިވާ ނެޓްފްލިކްސް އިން ޕްރިމިއާ ކޯސްފައިވާ އިރުގައި މި ފިލްމް ސިނަމާގައި އަޅުވައި ދިނުމަށް ގިނަބަޔަކު އަންނަނީ އެދެމުންނެވެ.
ފިލްމްގެ ލީޑުން ފެނިގެންދަނީ ސިދާތް މަލޯތްރާ އާއި ސައުތުގެ މަގުބޫލު ބަތަލާ ރަޝްމިކާ މަންދަނާއެވެ.މި ފިލްމް ބިނާކޮށްފައި ވަނީ 1970 ވަނަ އަހަރު އުޅުނު އިންޑިއާގެ އިންޓެލިޖަންސް އޭޖެންސީ ރިސާޗް އެންޑް އެނަލިޓިކް އޭޖެންސީ (ރޯ) ގެ އޭޖެންޓަކު (ސިދްހާތް) ޕާކިސްތާނުގައި ހުރި ނިއުކްލިއާ ފެސިލިޓީއެއް ހޯދުމަށް ހިންގާ މިޝަންއެއްގެ މައްޗަށެވެ.
ގިނަ ބަޔަކު ތައުރީފް ކުރަމުން އަންނަ މި ފިލްމްގެ ޑައިރެކްޓަރަކީ ޝަންތަނޫ ބަގްޗީއެވެ. ފިލްމް ގެ ޕްރޮޑިއުސަރުންނަކީ ރޯނީ ސުކުރުވާލާއި އަމްރު ބުޓާލާ އަދި ގަރީމާ މެހްތާ އެވެ.
މިއީ ސިދާތުގެ ފިލްމެއް ސިނަމާތަކަށް ނުގެނެސްދިން ޑިޖިޓަލްކޮށް ޕްރީމިއާކުރާ ދެވަނަ ފަހަރެވެ. ފުރަތަމަ ފިލްމަކީ މިދިޔަ އަހަރު ކަރަން ޖޯހަރްގެ ދަރުމާ ޕްރޮޑަކްޝަނުން އެމެޒޯން ޕްރައިމް ވީޑިއޯ އަށް ގެނެސްދިން ކާމިޔާބު ވަތަނީ ފިލްމު "ޝޭރުޝާ" އެވެ.
