ބަތަލާ އާލިއާ ބަޓް ގެ ކުރިއަށް އޮތް ފިލްމް "ރޮކީ އޯރް ރާނީ ކީ ޕްރޭމް ކަހާނީ" ގެ ޝޫޓިން މިހާރު ވަނީ އެއްކޮން ނިމިފައިއެވެ. ނަމަވެސް ފިލްމް ގެ ލަވައެއް ގެ ޝޫޓިން އަދި ބާކީ އެބައޮތެވެ.

މި ލަވަ ޝޫޓު ކުރުމުން މުޅި ފިލްމް ގެ ޝޫޓީންގ ނިމުނީއެވެ. އޭރުން ފިލްމް ޕޯސްޓް ޕްރޮޑަކްޝަން މަރުހަލާއަށް ދާނެއެވެ. ކަރަން ޖޯހަރު ޑައިރެކްޓް ކުރާ މި ފިލްމް ރިލީޒް ކުރުމަށ ްތާވަލް ކޮށްފައިވަނީ މިއަހަރުގެ އެޕްރިލް މަހުގެ 28ވަނަ ދުވަހަށެވެ.

މި ފިލްމްގެ ނުނިމި އޮތް ހަމައެކަނި ލަވަ ޝޫޓް ކުރުމަށް ކުރިން ނިންމާފައި އޮތީ ޔުރަޕްގައިއެވެ. ނަމަވެސް މިހާރު ޔޫރަޕްގެ ބަދަލުގައި އިންޑިއާގެ ކަޝްމީރުގައި ޝޫޓްކުރާ ގޮތަށް ހަމަޖެހިފައިވާ ކަމަށް ރިޕޯޓްތައް ބުނެފި އެވެ. އަދި އާލިއާ ގޮވައިގެން ވަރަށް އަވަހަށް މި ލަވަ ނެގުމަށް ކަރަން ކަޝްމީރަށް ދާނެ ކަމަށްވެސް ވަނީ ބުނެފައިއެވެ.

 

View this post on Instagram

 

A post shared by Karan Johar (@karanjohar)

ކަރަން އައިޑޮލްއެއްގެ ގޮތުގައި ދެކޭ ކުރީގެ މަޝްހޫރު ޑައިރެކްޓަރު ޔާޝް ޗޯޕްޅާ އަށް ޓްރިބިއުޓެއް ދޭން ފިލްމުގައި ހިމަނަން ނިންމީ ލޯބީގެ ހިތްގައިމު ލަވައިގެ މަންޒަރުތައް ކުރިން ނިއު ޒީލެންޑްގެ އިތުރުން ޔޫރަޕްގެ ބައެއް އެހެން ހިސާބުތަކުގައި ނަގަން ނިންމި ނަމަވެސް އެ ޕްލޭން ބަދަލުކޮށް މިހާރު ނިންމާފައި އޮތީ އަންނަ މަހުގެ ތެރޭގައި ކަޝްމީރުގެ ހިތްގައިމު ވާދީތަކުގައި ލަވަ ޝޫޓްކުރާށެވެ.

މިގޮތަށް ޕްލޭން ބަދަލު ކުރާ އެންމެ ބޮޑު އެއް ސަބަބަކި އާލިއާ އަށް މިދިއަ ނޮވެމްބަރު މަހުގައި ދަރިއަކު ލިބުމާއި ގުޅިގެންނެވެ. 3 މަހުގެ ދަރިފުޅު ބާއްވާފައި އެހާ ދުރަށް ދާން އާލިއާ ބޭނުން ނުވާތީ ޕްލޭން ބަދަލުކުރީ ކަމަށް ހަބަރުތަށް ބުނެއެވެ. އާލިއާ އާއި ރަންބީރަށް އަލަތު ދަރިފުޅު ލިބުނީ މިދިއަ އަހަރުގެ ނޮވެމްބަރު މަހުގެ 6 ވަނަ ދުވަހުގައިއެވެ.

 

View this post on Instagram

 

A post shared by Alia Bhatt 💛 (@aliaabhatt)

މި ފިލްމް ގެ ލީޑުން ފެނިގެންދާނީ މަޝްހޫރު ބޮލީވުޑްގެ ދެތަރިން ކަމުގައިވާ އާލިއާ ބަޓް އާއި ރަންވީރު ސިންގްއެވެ. އެ ފިލްމުން ފެންނާނެ އިތުރު ތަރިންގެ ތެރޭގައި ދަރުމެންދުރަ އާއި ޝަބާނާ އަޒްމީ އަދި ޖާޔާ ބައްޗަން ވެސް ހިމެނެ އެވެ.

އާއިލާއެއްގެ މައްޗަށް ބިނާކޮށް ހަދާ މި ރޮމޭންޓިކް ކޮމެޑީއަކީ ތިނެސްކަން ލޯބީގެ ވާހަކައެކެވެ. ތިނެސްކަން ލޯބީގެ ފިލްމުތައް ބޮލީވުޑްގައި އަަންމު ނަމަވެސް މި ފިލްމު ތަފާތު ވަނީ މި ފިލްމުން ދުވަސްވީ ތިން މީހެއްގެ ލަވް ޓްރޭންގަލް ފެނިގެން ދާތީއެވެ.

 

View this post on Instagram

 

A post shared by Ranveer Singh (@ranveersingh)

’ރޮކީ އޯރް ރާނީ ކީ ޕްރޭމް ކަހާނީ' އަކީ 'ގަލީ ބޯއީ' އަށް ފަހު އާލިޔާ އާއި ރަންވީރު އެކުގައި ސްކްރީނުން ފެންނާނެ ފުރަތަމަ ފިލްމެވެ. މި ފިލްމަކީ 2016 ގެ "އޭ ދިލް ހެ މުޝްކިލް"އަށް ފަހު ކަރަން ޑައިރެކްޓްކުރާ ފުރަތަމަ ފިލްމަށް ވާއިރު، އެސިސްޓެންޓް ޑައިރެކްޓަރެއްގެ ގޮތުގައި ސަަައިފް އަލީ ޚާނާއި އަމްރީތާގެ ފިރިހެން ދަރިފުޅު އިބްރާހިމް އަލީ ޚާން ފިލްމުގައި މަސައްކަތް ކުރާނެއެވެ.