ބޮލީވުޑްގެ ސުޕަސްޓަރ ސަލްމާން ޚާން ގެ ކުރިއަށް އޮތް ފިލްމް "ކިސީކާ ބާއި ކިސިކީ ޖާން" ގެ ގެ ޓީޒާއެއް ދައްކާލައިފި އެވެ.
މި ފިލްމަކީ "ބައްޗަން ޕާންޑޭ" ގެ ޑައިރެކްޓަރު ފަރުހާދު ސަމްޖީ ޑައިރެކްޓްކޮށްފައިވާ މަސާލާ ފިލްމެކެވެ. ބޮޑު ކާސްޓެއް ހިމެނޭ "ކިސީ ކާ ބާއީ ކިސީ ކާ ޖާން" ގެ ލީޑުން ސަލްމާން އާއި އެކުގައި ފެނިގެންދާނި ޕޫޖާ ހެގްޅޭ އެވެ.
ސަލްމާންގެ ފިލްމް ކުންފުނި "އެސްކޭއެފް" ގެ ތަތްގަޑުގައި ނެރުމަށް ހަމޖެހިފައިވާ ފިލްމް ގައި ބޮޑު ކާސްޓެއް ހިމެނެއެވެ. ފިލްމްގައި ޝެހެނާޒް ގިލް (ސަނާ) އާއި ޝްވެތާ ތިވާރީގެ ދަރިފުޅު ޕަލަކް ތިވާރީ އާއި ޖައްސީ ގިލް އާއި ސިދާތު ނިގާމާއި ރާގަވް ޖުޔަލް އާއި ސަލްމާނާ އެކީ "މޭނޭ ޕިޔާރު ކިޔާ" ކުޅުނު ބަގިޔާޝްރީ ބަތަލާ ބޫމީ ޗާވްލާގެ އިތުރުން ދެކުނުގެ މަޝްހޫރު ތަރިން ކަމަށްވާ ވެންކަޓޭޝްގެ އިތުރުން ޖަގަޕަތީ ބާބޫ އަދި "ސަލާމް ވެންކީ" ގެ ޑައިރެކްޓަރު ރެވްތީވެސް ހިމެނެ އެވެ.
View this post on Instagram
މިދިއަ އަހރު ސަލްމާންގެ އެއްވެސް ފިލްމް އެއް ރިލީޒްއެއް ނުވެއެވެ. ނަމަވެސް މިއަހަރު ސަލްމާންގެ ދެ ފިލްމްއެއް ރިލިޒް ކުރަން ވަނީ ހަމަޖެހިފައިއެވެ. މީ ބެލުންތެރިންނަށް ގެނެސްދޭ ސަލްމާން ގެ މި އަހަރުގެ ފުރަތަމަ ފިލްމްއެވެ. "ކިސީ ކާ ބާއީ ކިސީ ކާ ޖާން" އެޕްރީލް 21 ގައި ގެނެސްދޭން ހަމަޖެހިފައިވާއިރުގައި ދެން ސަލްމާން ފެނިގެން ދާނީ "ޓައިގާ 3″ އިންނެވެ.
