މިހާރު ކުރިޔަށްދާ އެމްޑީޕީގެ ރިޔާސީ ޕްރައިމަރީގެ ކެމްޕޭންގައި، ރައީސް ސާލިހު ބޮޑު ތިލަދުންމައްޗަށް ކުރައްވަމުން ގެންދަވާ ދަތުރުފުޅުގައި މިއަދު ހަވީރު ކުޅުދުއްފުއްޓަށް ވަޑައިގެންފިއެވެ.
ރައީސް ސާލިހު ކުޅުދުއްފުއްޓަށް ވަޑައިގެންނެވެމުން، މަރުހަބާ ދަންނަވާފައިވަނީ ކުޅުދުއްފުށި ދާއިރާގެ ރައްޔިތުންގެ މަޖިލީހުގެ ދެ މެމްބަރުންނެވެ. އަދި އޭގެ އިތުރުން އެރަށުގެ ކުދިބޮޑު ގިނަބަޔަކު ވަނީ އެކަނިކްފާނަށް ހޫނު މަރުހަބާއެއް ކިޔާފައެވެ.
ކުރިޔަށްދާ އެމްޑީޕީގެ ރިޔާސީ ޕްރައިމަރީއަށް ރާއްޖޭގެ އުތުރުގެ ބައެއް ރަށްތަކަށް ކުރައްވާ ދަތުރުފުޅެއް ރައީސް ސާލިހު ފައްޓަވާފައިވަނީ އިއްޔެއެވެ. އިއްޔެ އެމަނިކްފާނުވަނީ ހޯރަފުއްޓަށައި އިހަވަންދޫ އަދި ދިއްދޫއަށް ޒިޔާރަތް ކުރައްވާފައެވެ. އަދި ރޭވަނީ ދިއްދޫގައި ޚައްސަ ޖަލްސާއެއްވެސް ބާއްވާފައެވެ.
ރައީސްގެ މި ދަތުރުފުޅުގައި ހއ. އަތޮޅު، ހދ. އަތޮޅު، އަދި ށ. އަތޮޅުގެ ގިނަ ރަށްތަކަކަށް ވަޑައިގަންނަވާ ގޮތަށް ވަނީ ހަމަޖެހިފައެވެ. ރައީސްގެ މި ދަތުރުފުޅުގައި ހދ. ހަނިމާދޫ އިންޓަނޭޝަނަލް އެއާޕޯޓް ތަރައްގީ ކުރުމުގެ މަޝްރޫއުގެ މަސައްކަތް ފައްޓަވާ ދެއްވާ ގޮތަށް ވަނީ ހަމަޖެހިފައެވެ. މި ޖަލްސާ ބޭއްވުމަށް ހަމަޖެހިފައިވަނީ މިރޭއެވެ.
ހަނިމާދޫ އެއަރޕޯޓު ތަރައްގީ ކުރުމުގެ މަޝްރޫޢުގެ ފެށުމުގެ ރަސްމިއްޔާތުގައި ބައިވެރިވެވަޑައިގަތުމަށް އިންޑިއާގެ ޚާރިޖީވަޒީރު މިހާރު ހުންނެވީ ރާއްޖެ ވަޑައިގެންނެވެ.
ރައީސް ސާލިހުވަނީ ވަނީ ކެމްޕޭން ދަތުރުތަކުގައި ރ، ނ، ޅ އަދި ބ. އަތޮޅަށް ވަޑައިގެންފައެވެ.
ކޮމެންޓު ފޮނުވާ