މިދިއަ އަހަރުގެ ނޮވެމްބަރު މަހުގެ 6 ވަނަދުވަހު ދަރިއަކު ލިބުން ބޮލީވުޑްގެ މަޝްހޫރު ދެ ތަރިން ކަމުގައިވާ އާލިއާ ބަޓް އާއި ރަންބީރު ކަޕޫރު ފުރަތަމަ ފަހަރަށް ދަރިފުޅު ގޮވައިގެން ބޭރުތެރޭގައި އުޅެނިކޮށް ފެނިއްޖެއެވެ.
އެމީހުންގެ ދަރިފުޅު ރާހާ އާއި ރަންބީރު އަދި އާލިއާގެ އިތުރުން އާލިއާގެ ދައްތަ ޝަހީންވެސް ވަނި އެމީހުންނާއި އެކުގައި ފެނިގެން ގޮސްފައިއެވެ. މިއީ ރާހާ ބޭރުން ފެނިިގެން ދިއަ ފުރަތަމަ ފަހަރެވެ.
ނަމަވެސް ރާހާގެ ފޮޓޯ ނަގައި ވައިރަލް ނުކުރުމަށް ނޫސްވެރިންގެ ކިބައިން އާލިއާ އާއި ރަންބީރު އެދިފައި އޮތުމުން އެކުއްޖާގެ މޫނު އެނގޭ ފޮޓޯއެއް މީޑީއާގައި އެއްވެސް ނޫހަކުން ހިއްސާ ކޮށްފައިއެއް ނުވެއެވެ.
View this post on Instagram
ވިހޭ ފަހުން އާލިއާ ވަނީ އަލުން އެނބުރި ފިލްމް ކުޅުމަށް ރެޑި ވުމަށް މަސައްކަތް ފަށާފައިއެވެ. އެގޮތުން ކުރީ ހުރި ބައްޓަމަށް ހަށިގަނޑު ގެނައުމަށް އޭނާ ވަނީ ޖިމްއަށް ދާން ފަށަފައިއެވެ.
ދަރިފުޅު ލިބުން ފަހުން ރިލީޒް ވާ ފުރަތަމަ ފިލްމް އަކީ އާލިއާގެ "ރޮކީ އޯރް ރާނީކާ ޕްރޭމް ކަހާނީ" އެވެ. ކަރަން ޖޯހަރް ޑައިރެކްޓް ކުރާ މި ފިލްމް އިން އާލިއާ އާއި އެކުގައި ފެނިގެންދާނީ ރަންވީރު ސިންގްއެވެ. ފިލްްމ ސިނަމާއަށް ގެނައުމަށް ތާވަލް ކޮށްފައި ވަނި އެޕްރިލް މަހުގެ 28 އަށެވެ.
