ބެލުންތެރިން އިންތިޒާރު ކުރަމުން އަންނަ ޝާހުރުކް ހާން ގެ ކުރިއަށް އޮތް ފިލްމްގެ ޓްރެއިލާ ރިލީޒް ކޮށްފައިވަނީ މިމަހުގެ 10 ވަނަ ދުވަހުގައިއެވެ. މި ފިލްމް އަކީ 5 އަހަރު މެދުކެނޑުމަށްފަހު މި ޝާހު އެބުރި އައުން ފާހަގަ ކުރާ ފިލްމްގެ ޕްރޮމޯޝަން ތަށް ވަނީ މެކުހަށް ޖަހައިފައިއެވެ.
އެގޮތުން، ދުނިޔޭގެ އެންމެ އުސް އިމާރާތް ކަމަށްވާ ދުބާއީގެ ބުރުޖު ހަލީފާ ގައި ވަނީ މި ފިލްމްގެ ޓްރެއިލާ އަޅުވާފައިއެވެ. އަބަދު ވެސް އެކި ކަންކަމާ ގުޅުވައިގެން އޭގެ ބޭރު ދިއްލުންތައް ތަފާތު ގޮތްގޮތަށް ގެނެސްދޭން މަޝްހޫރު ބުރުޖު ހަލީފާ ގައި ތަފާތު މުނާސަބާ ތަކާއި ގުޅުވައިގެން ދިއްލައެވެ.
View this post on Instagram
މީގެ ކުރިން ޝާހުގެ އުފަންދުވަސް ފާހަގަ ކުރުމަށްވެސް ބުރުޖު ހަލީފާ ދިއްލައިފައިވެއެވެ. ހާއްސަކޮން ދުބާއީ އަކީ ބޮލީވުޑްއަށް ބޮޑު ސަޕޯޓެއް އޮތް ގައުމެކެވެ. އަދި ގިނަ ބަޔަކު ބޮލީވުޑްގެ ފިލްމް ތަކަށް ލޯބިކުރެއެވެ. ބޮޑު ސަޕޯޓަކާއި ލޯތްބެއް ދުބާއީ އިން ޝާހުއަށް އޮންނަ އިރުގައި އޭނަ އަކީ ބޮލީވުޑްގެ ތަރިންގެ ތެރެއިން މެދުއިރުމަތީގައި އެންމެ ނުފޫޒު ގަދަ ތަރި ވެސް މެ އެވެ.
ސިދާތު އާނަންދު ޑައިރެކްޓްކޮށްފައިވާ "ޕަތާން" ގެ ކާސްޓްގައި ދީޕިކާ ޕަދްކޯނާއި ޖޯން އަބްރަހަމް ވެސް ހިމެނެއެވެ. މި ފިލްމް ނެރުމަށް ހަމަޖެހިފައިވަނީ ޔަޝްރާޖްގެ ގެ ކުޑައިގެ ދަށުންނެވެ. ފިލްމް މިމަހު 25 ގައި ސިނަމާއަށް އަންނާނެއެވެ.
