ބެލުންތެރިން އިންތިޒާރު ކުރަމުން އަންނަ ޝާހުރުކް ހާން ގެ ކުރިއަށް އޮތް ފިލްމްގެ ޓްރެއިލާ ދައްކައިލައިފިއެވެ. މި ފިލްމް އަކީ އެކްޝަން ޕެކް ފިލްމްއެއް ކަން ކުރންވެސް ނެރެފައިވާ ޕޯސްތަރު ތަކުން ވަނީ އެނގިގެން ގޮސްފައިއެވެ.
5 އަހަރެއްގެ މެދު ކެނޑުމަކަށްފަހު ޝާހު އެބުރި އައުން ފާހަގަކުރާ ފިލްމް "ޕަޓާން" ބަލާލުމަށް ކެތް މަދުވެފައި އެތަށް ބަޔަކު އެބަތިއެބެއެވެ. މިއާއި އެކުގައި ފިލްމް އާއި ދެކޮޅަށްވެސް ގިނަ ބަޔަކު އަންނަނީ އަޑު އުފުލަމުންނެވެ.
ފިލްމް ގެ ޓްރޭލާ ރިލީޒް ކުރުމުގެ ކުރިންވަނީ ފިލްމްގެ ދެ ލަވައެއް ރިލިޒް ކޮށްފައިއެވެ. މި ލަވަތަކުގައި ބޭނުން ކޮށްފައިވާ ނިވާކަން ކުޑަ ހެދުން އަދި ބާލަލަން ނުކެރޭ ނެށުން ތަކުގެ ސަބަބުން ފިލްމް ބޮއިކޮޓް ކުރުމަށް ގޮވައިލާ އަންނަނީ ސޯޝަލް މީޑިއާގައި ބޮޑު ކެމްޕެއިންގ އެއްވެސް ހިންގަމުނެވެ.
މިއާއި އެކުގައި ފިލްމްގެ މައްސަލަ ބޮޑުވެ ފިލްމް އާއި އާންމު ކުރި ލަވަތަކުވެސް މަންޒަރުތައް އުނިކޮށް ފިލްމް އެޅުވުމުގެ ހުއްދަ އިންޑިއާގެ ސެންޓްރަލް ބޯރޑް އޮފް ފިލްމް ސެޓިފިކޭޝަން،ސީބީއެފްސީ އިން ވަނީ ދީފައެވެ.
ކޮންމެ އަކަށް ހީކުރި ގޮތަށް މި ފިލްމް އަކީ ބޮޑެތި އެކްޝަން މަންޒަރު ތަކެއް ވެސް ހިމެނޭ ފިލްމްއެއްކަން ފިލްމްގެ ޓްރެއިލާ ބަލާލުމުން އެނގިގެން ދެއެވެ. ފިލްމްގެ ޓަރެއިލާ އިއްޔެ ވަނީ ދައްކައިފައިއެވެ.
ސިދާތު އާނަންދު ޑައިރެކްޓްކޮށްފައިވާ "ޕަތާން" ގެ ކާސްޓްގައި ދީޕިކާ ޕަދްކޯނާއި ޖޯން އަބްރަހަމް ވެސް ހިމެނެއެވެ. މި ފިލްމް ނެރުމަށް ހަމަޖެހިފައިވަނީ ޔަޝްރާޖްގެ ގެ ކުޑައިގެ ދަށުންނެވެ. ފިލްމް މިމަހު 25 ގައި ސިނަމާއަށް އަންނާނެއެވެ.
