ރައީސް އިބްރާހިމް މުހައްމަދު ސޯލިހު ބައިވެރިވެވަޑައިގަންނަވާ ރިޔާސީ ޕްރައިމަރީގެ ކެމްޕެއިންގެ ފުރަތަމަ ޖަލްސާ މިރޭ އެމްޑީޕީގެ މައި ހަރުގޭގައި ފެށިގެން ކުރިއަށްދާއިރު، އިދިކޮޅު ޕީޕީއެމްގެ އިހުތިޖާޖު ހަރުގެ ކުރިމަތީގައި އާޓުފިޝަލް ބީޗުގައި ފެށިއްޖެއެވެ.
ރައީސް ބައިވެރިވާ ހަރުގެ ޖަލްސާއާއި، އިދިކޮޅު ޕީޕީއެމްގެ އިހުތިޖާޖީ ހަރަކާތް އެއްސަރަހައްދެއްގައި ކުރިއަށްދާއިރު އެސަރަހައްދުގައި ގިނަ އަދަދެއްގެ ބަޔަކުވެސް ތިބިކަން ފާހަގަކޮށްލެވެއެވެ. ހަރުގޭގައި ރައީސް ޞާލިހުގެ އިންނަވައިގެން ކުރިއަށް ގެންދާ ޖަލްސާގައި ސަރުކާރުގައި ހިމެނޭ އެމްޑީޕީގެ ވަޒީރުންނާއި، ކުންފުނިތަކުގެ ވެރިންނާއި، ސަރުކާރުގެ އެކި ވަޒީފާތަކުގައި ތިބި ގިނަ އަދަދެއްހެ ބަޔަކުވެސް ދަނީ ބައިވެރިވަމުންނެވެ.
ކެންޑިޑޭޓް ނަންބަރު ✌️، ހަމަ ތާއީދު މީ އިނގޭތޯ 👏
އެތެރެއާ ބޭރު ފުރިބާރު، މުޅި މަގު ވެސް ފުރި ބާރު، ހަމަ ތާއީދު #MDPKuriah #Ibu2023 pic.twitter.com/gIbL1vJMjx
— Hussain Shafiu (@charly_thuthu) January 4, 2023
އިދިކޮޅު ހަރަކާތުގައި ކޯލިޝަންގެ ދެޕާޓީގެ އިސްވެރިންނާއި، އާންމު ގިނަ މެމްބަރުން ދަނީ ބައިވެރިވަމުންނެވެ. އިދިކޮޅުން އިހުތިޖާޖުގެ ސިފައެއްގައި ކުރިއަށްދާ ހަރަކާތުގައި އިސްސަފުގައި ތިއްބެވި ގިނަ ބޭފުޅުން ދަނީ ބައިވެރިވަމުންނެވެ.
Raees Yameem ah kuri Haraan hukumaa dhekolhah baavvaa adu ufulumuge jalsaa #HaraanHukum #FreePresidentYameen #RY2023 pic.twitter.com/n1ZouWWT68
— Progressive Party of Maldives (@ProgressPartyMV) January 4, 2023
މި މަހުގެ 28 ވަނަ ދުވަހު ބާއްވާ އެމްޑީޕީގެ ޕްރައިމަރީގެ ކެމްޕެއިންގައި ރައީސްގެ ޝިއާރަކީ އެމްޑީޕީ "ކުރިއަށް" އެވެ.
އެމަނިކުފާނާ ވާދަކުރައްވާ އެމްޑީޕީގެ ރައީސް އަދި މަޖިލީހުގެ ރައީސް މުހައްމަދު ނަޝީދު ގެންދަވަނީ ފޯރީގައި ކެމްޕެއިން ހަރަކާތްތައް ހިންގަމުންނެވެ. މާލޭގައި ޑޯޓުޑޯ ކެމްޕެއިންތަކާއި އެކި ސަރަހައްދުތަކުގައި ނަޝީދުގެ ކެމްޕެއިން ޖަލްސާތައް އަންނަނީ ބާއްވަމުންނެވެ.
