ފަހަކަށް އައިސް މާލޭގައި މަސާޖު ޕާލާތަކުގެ ނަމުގައި ހަށިވިއްކުމާއި ފާޙިޝުކަންކަން ޢާންމުވެފައިވާތީ ދީނީ ޢިލްމުވެރިން ކަންބޮޑުވުން ފާޅުކުރެއްވުމުން، އިލެކްޝަންސް ކޮމިޝަނުގެ ރައީސް ފުވާދު ތައުފީޤު ތަފާތު ޓްވީޓެއް ކުރައްވައި ޝުޢޫރު ފާޅުކުރައްވައިފިއެވެ.
މާލޭގައި މަސާޖު ޕާލާތަކުގެ ނަމުގައި ބަދު އަޚްލާޤީ ޢަމަލު ހިންގާ ތަންތަން ޢާންމުވެފައިވާ މައްސަލާގައި މުއައްސަސާތަކުން އެއްވެސްމަސައްކަތެއް ނުކުރާކަމަށް ތުހުމަތުކޮށް ދީނީ ޢިލްމުވެރިޔާ ޝައިޚް ޢަލީ ޒައިދު ނުރުހުން ފާޅުކުރައްވައި ކުރެއްވި ޓްވީޓެއް ރީޓް ޓްވީޓްކުރައްވައި ދީނީ ޢިލްމުވެރިޔާ ޑރ.ިއޔާޒުވެސް ވަނީ ކަންބޮޑުވުން ފާޅުކުރައްވާފައެވެ. ޑރ.އިޔާޒް ވިދާޅުވެފައިވަނީ މިކަންތައް ނުހުއްޓުވިގެން އުޅޭ ސަބަބު ފުލުހުން ރައްޔިތުންނަށް ހާމަކޮށްދޭންޖެހޭކަމަށެވެ.
މިކަންތައް ނުހުއްޓުވިގެން އުޅޭ ސަބަބު ރަޢްޔިތުންނަށް ހާމަކޮށްދޭންޖެހޭ. @PoliceMv https://t.co/T59CxchzZB
— Dr.Mohamed Iyaz (@dr_iyaz) December 31, 2022
ދިވެހި ފުލުހުންގެ ޚިދުމަތުގެ ޓްވީޓަރ ޓެގްކުރައްވައި ޑރ.އިޔާޒް ކުރެއްވި ޓްވީޓަށް ފުވާދު ތައުފީޤު ވަނީ ޝުޢޫރު ފާޅުކުރައްވާފައެވެ. ފުވާދު ކުރެއްވި ޓްވީޓުގައި ވަނީ ކިތަންމެ ވަރަކަށް ކުކުޅު ގޮވިޔަސް ފަތިސް ނުވާނެކަމަށާ، ފަތިސްވަނީ ހާ ގޮވީމަކަމަށް ދިވެހި ހަރުބަހެއްގައި އޮންނަކަމަށެވެ.
ފުވާދުގެ މި މާނަފުން ޓްވީޓާ ގުޅިގެން އެތައް ބަޔަކު ޝުޢޫރު ފާޅުކޮށްފައިވެއެވެ.
Dhivehi haru baheh gai onnanee "kithamme varakah kukulhu goviakas fathis nuvaane kamashaai, fathis vaanee hau govumun kamasheve." https://t.co/HM1Sgsaaxx
— Fuwad Thowfeek (@FuwadThowfeek) January 1, 2023
ހަށިވިއްކާ ތަންތަން މަސާޖު ޕާލާ ނަމުގައި މީހާރު ރޯ ބަރަހަނާ އަންހެނުން ލައިގެން ފޭސްބުކްގައި އިސްތިހާރުކުރަމުންދާކަން ޝައިޚް ޢަލީ ޒައިދު ވަނީ ފާހަގަކުރައްވައި ކަންބޮޑުވުން ފާޅުކޮށްފައެވެ. އަދި އެފަދަ ތަންތަނުން "ފުލް ބޮޑީ މަސާޖޭ، ޕްރައިވެޓް ޕާޓްސްއިން އިސްތަށި ބާލަމޭ" ކިޔާއިރު، ދެ އަތް އުރާލައިގެން މުއައްސަސާތަކުން ތިބުމަކީ ވަރަށް ވިޔާނުދާ ކަމެއްކަމަށެވެ. މިތަންތަން ބަންދުކޮށް ހުއްޓުވެންޖެހޭކަމުގައި ޝައިޚް ޒައިދު ވިދާޅުވިއެވެ.
ކޮމެންޓު ފޮނުވާ