އިދިކޮޅު ފަރާތްތަކުން ކިތަންމެ ވަރަކަށް ޒާހަރާ ކުރިޔަސް މަތީ ކޯޓަކުން ނުނިންމާހާ ހިނދަކު ކުރީގެ ރައީސް ޔާމީން މިނިވަނެއް ނުވާނެކަމަށް ދީނީ އިލްމުވެރިޔާ ޑރ.މުހައްމަދު އިޔާޒު ވިދާޅުވެއްޖެއެވެ.
ވ. އާރަށް ކުށްޔަށް ދިން މައްސަލާގައި ކުރީގެ ރައީސް ޔާމީން ޢަބްދުލްޤައްޔޫމުގެ މައްޗަށް އުފުލި ދެ ދަޢުވާވެސް ސާބިތުވެ 11 އަހަރަށް ޖަލަށް ލުމަށް ކްރިމިނަލް ކޯޓުން ހުކުމް ކޮށްފައެވެ. ހުކުމް ކުރި ދުވަހުން ފެށިގެން އިދިކޮޅު ފަރާތްތަކުން ގެންދަނީ މާލެއާއިއަތޮޅު ތެރެގައި މުޒާހަރާތައް ކުރަމުންނެވެ.
އިދިކޮޅު ފަރާތްތަކުން ކުރަމުންދާ މުޒާހަރާތަކާއި ގުޅިގެން އަދި އިއްޔެ މާލޭގައި ކުރި ބޮޑު މުޒާހަރާ ނުވަތަ ހިނގާލުމަށް އިޝާރާތް ކުރައްވާ ޑރ.އިޔާޒު ވިދާޅުވީ ކިތަންމެ ވަރަކަށް މުޒާހަރާ ކުރިނަމަވެސް ގަބޫލު ކުރަންޖެހޭ ހަގީގަތަކީ މަތީ ކޯޓަކުން ހުކުމް ނުކުރާހާ ހިނދަކު ރައީސް ޔާމީން މިނިވަން ކުރެވޭނެ ކަމަށެވެ.
އިދިކޮޅުން މުޒާހަރާ ކުރައްވުމުގެ އިސްކޮށް ހަރަކާތްތެރިވާ ފަރާތްތަކާއި ޑރ.އިޔާޒު ވަނީ ސުވާލެއްވެސް ކުރައްވާފައެވެ. އެގޮތުން ރައީށް ޔާމީން މިނިވަން ކުރުމުގެ ނަމުގައި ކުރިއަށް ގެންދާ މުޒާހަރާތަކާއި އެކި ހަރަކާތްތަކަކީ ހަގީގަތުގައިވެސް ރައީސް ޔާމީން މިނިވަން ކުރުމަށް ކުރާ މުޒާހަރާތަކެއްތޯ ނޫނަމަ އެއީ ރިޔާސީ ޓިކެޓް ހޯދުމަށް ޖަހާ މަކަރެއްތޯ ޑރ.އިޔާޒު ވަނީ ސުވާލު ކުރައްވާފައެވެ.
މުޒާހަރާގެ ކުރީ ޞަފުގައި ތިއްބެވި ބޭފުޅުން ގާތު އަހާލަން ބޭނުން "ޙަޤީޤަތުގައިވެސް" ތިއީ ރައީސް ޔާމީން މިނިވަންކުރަން ކުރައްވާ ކަމެއްތޯ؟ ނޫންނަމަ ރިޔާސީ ޓިކެޓު ހޯދުމަށް ޖަހާ މަކަރެއްތޯ؟ ކިތަންމެ ގަދަޔަށް މުޒާހަރާ ކުރިޔަސް މަތީ ކޯޓަކުން ނުނިންމާހާ ހިނދަކު ރައީސް ޔާމީން މިނިވަނެއް ނުވާނެ.
– ޑރ.އިޔާޒު ވިދާޅުވިއެވެ.
އިއްޔެ ބޭއްވި ހިނގާލުމުގެ ބައިވެރިންނާ ވާހަކަ ދައްކަވަމުން ޕީއެންސީގެ ރައީސް އަބްދުއްރަހީމް ވިދާޅުވީ ޔާމީނަށް އޮތް ތާއީދު މިއަދުގެ ހިނގާލުމުން ވަރަށް ސާފުވާ ކަމަށާއި އެ މަނިކުފާނަށް އެ ތާއީދު އޮތްކަން އިންޑިއާ އަށް ވެސް އެނގޭ ކަމަށެވެ.
އެހެންވެ، ޔާމީން ޖަލަށް ލާފައި ވަނީ 2023 ގެ ރިޔާސީ އިންތިހާބުގައި ބައިވެރިވެރިވުމަށް އެ މަނިކުފާނަށް ފުރުސަތު ނުދޭން ކަމަަށް އޭނާ ވިދާޅުވިއެވެ. އެކަމަކު ދިވެހިން ތިބީ ދޫދޭ ގޮތަކަށް ނޫން ކަމަށާއި ޔާމީންގެ ނަން ނެތި އިންތިހާބު ބާއްވަން ވެސް ފުރުސަތު ނުދޭނެ ކަމަށް އަބްދުއްރަހީމް ވިދާޅުވިއެވެ. އަބްދުއްރަހީމް ވިދާޅުވާ ގޮތުގައި މި ހުރިހާ އަނިޔާއެއްގެ ނަތީޖާއަކަށް ވާނީ ކުރިއަށް އޮތް ރިޔާސީ އިންތިހާބު ޔާމީން ކާމިޔާބު ކުރެއްވުމެވެ.
ޔާމީން ޖަލަށްލި ފަހުން އިދިކޮޅު ޕީޕީއެމުން ދަނީ ކޮންމެ ދުވަހަކު ސިލްސިލާ މުޒާހަރާތައް ކުރަމުންނެވެ. ޕީޕީއެމާއި ޕީއެންސީގެ ސެނެޓުން ވަނީ ޔާމީން މިނިވަންކޮށް، ރާއްޖޭގެ ރައީސް ކަމަށް އިންތިހާބުކުރަން ކުރެވެން އޮތް ހުރިހާ މަސައްކަތެއް ކުރުމަށް ފާސްކޮށްފައެވެ.
3 Responses
މަތީކޯޓަކުންނިންމިޔަސްއިމަޖެންސީހިންގާފަ ފަޑިޔާރުހައްޔަރުކުރެވިދާނެކަންއޮތީ ޔާމީނުބުނެދީފަ
އިޔާޒަކަށް ނޭގޭ މުޒާހަރާ ކުރާ މީހުންވެސް އެކަން ދަންނާނެކަން. އެމީހުންގެ ބޭނުމަކީ ތިކަހަލަ މީހުންގެ އަނގަ ގޮއްވުން. އެ މަޅީގައިިޖެހި މީހުންނަށް ފުރައްސާރަ ކޮށް ޅަލާމާތް ނުކުރުމަށް ނަސޭހަތްތެރިވަން. ފުތައްސާރަ ކުރުމަކީ ކިހާވަރެއގެ ކަމެއްކަން އެނގޭނެ ކަމަަށް ހީވޭ. ނުބައި ފަތުގައި ލިޔެވޭނެކަން ދަނެ އެފަދަ ކަންކަމުން ދުރުވެގަތުމަށް ހިތްވަރު ކުރާށްވާ!
ތީދީނީމީހެއްތަަ ނޫނީީ އަގަގަދަަ މީހާތަަ ނޫނީީ ސިޔާސީވެރިންް ގަންހިންގާމީހާތަަ ނޫނީީ ވިޔާފާރިވެރިންް ފެލައިގެންް ދިރިއުޅޭމީހާތަަ ނޫނީީ ބަފަޔައްއޮޅުވާލައިގެންވެސްް އިތުރައްފައިސާހޯދާމީހާތަަ ނޫނީީ ދީންވިއްކާލައިގެންއަނބިދަރިންނައްކާންދޭމީހާތަަ މީހުންކިޔާއަޑުއިވެނީީ ތީހާކާލިބުރުވާލިި ތެޅިބާލާމީހެކޯޯ