ހުޅުމާލޭގައި ހުންނަ ކުދަކުދިން ބަލަހައްޓާ މަރުކަޒު "ފިޔަވަތި"ގައި ދިރިއުޅޭ ކުދިންނަށް، ހައުސިން ޑިވެލޮޕްމެންޓް ކޯޕަރޭޝަން (އެޗްޑީސީ)އިން ޚާއްސަ ޙަރަކާތެއް ބާއްވައިފިއެވެ.
"ފިޔަވަތި ފަންޑޭ" ގެ ނަމުގައި ކުރިއަށް ގެންދިޔަ މިހަރަކާތް އޮތީ ފަރުކޮޅު ފުށީގައެވެ. އެޗްޑީސީން ބުނީ މިއީ އެކުންފުނީގެ އިޖުތިމާޢީ ޒިންމާގެ ދަށުން ކުރިއަށްގެންދިޔަ ހަރަކާތްތެއްކަމަށެވެ. އަދި މިއީ 2022ވަނަ އަހަރުގެ އެކުންދުނީގެ މިފަދަ ޕްރޮގްރާމްތައް ނިންމާލުމުގެ ގޮތުން ބޭއްވި ހަރަކާތެއްކަމަށްވެސް އެޗްޑިސީން ބުނެއެވެ.
ފިޔަވަތީގައި ދިރިއުޅޭ 90 އަށްވުރެ ގިނަ ކުދިން މިޙަރަކާތުގައި ބައިވެރިވިކަމަށް މަޢުލޫމާތުލިބެއެވެ.
We have summed up our CSR activities for the year with “Fiyavathi Fun Day” for over 90 kids living at Fiyavathi. It was a joy to see the happiness on the their faces as we handed all of them gifts.
We will always continue to do our part to leave a smile on these little angels. pic.twitter.com/vMK9BrIp7C— HDC (@hdcmaldives) December 31, 2022
މިޙަރަކާތް އޮތީ އިއްޔެ ހަވީރުއެވެ. މި ޙަރަކާތާއެކު ފިޔަވަތީގެ ކުދިން ތިބީ ވަރަށް އުފާވެފައިކަމަށާ، އެކުދިންގެ މޫނުމަތިން ފެނުނު އުފާވެރިކަމުގެ އަސަރަކީ އެޗްޑީސީގެ މެނޭޖުމަންޓާއި މުވައްޒަފުންނަށް ލިބުނު އާދަޔާ ޚިލާފު އުފަލެއްކަމަށް އެޗްޑީސީން ބުނެއެވެ.
އެޗްޑީސީއަކީ ޚާއްސަކޮށް ހުޅުމާލޭގެ އެކިއެކި ކަންކަމާއި އެތަނުގައި ދިރިއުޅޭ ފަރާތްތަކަށް އަމާޒުކޮށްގެން ގިނަ އިޖުތިމާޢީ ޙަރަކާތްތައް ހިންގާ ކުންފުންޏެކެވެ.
ކޮމެންޓު ފޮނުވާ