2023 ވަނަ އަހަރަށް މަރުހަބާ ކިޔުމުގެގޮތުން މި އަހަރުވެސް ހަވާ އެރުވުމާއެކު މިއުޒިކް ޝޯ އެއް ބާއްވަން، މިނިސްޓްރީ އޮފް ޔޫތު، ސްޕޯޓްސް އެންޑް ކޮމިއުނިޓީ އެމްޕަވަރމަންޓްއިން ތައްޔާރުވެއްޖެއެވެ.
"މޯލްޑިވްސް ވާއު ފެސްޓް"ގެ ނަމުގައި ބާއްވާ މި ޝޯވ ގައި ދިވެހި މިއުޒީޝަނުންގެ އިތުރުން އިންޑިއާގެ ލަވަކިޔުންތެރިޔާ ޕާވްނީ ޕާންޑޭ ވެސް ޕާފޯމް ކުރާނެ މިއުޒިކް ޝޯ އިންތިޒާމު ކުރަނީ ޔޫތު މިނިސްޓްރީ އިންނެވެ.
ޕައުނީ އާއްމުންގެ މެދުގައި ބޮޑަށް މަޝްހޫރުވެގެންދިޔައީ 2017 ވަނަ އަހަރު ނެރުނު ޝާހްރުކް ޚާންގެ ފިލްމް "ރައީސް" އަށް އޭނާ ކިޔައިދިން "ލައިލާ މެ ލައިލާ" އިންނެވެ. މިއީ 1980 ވަނަ އަހަރު ނެރުނު ފިލްމް "ޤުރުބާނީ" ގައި ހަމަ އެނަމުގައި ހިމެނޭ ލަވައިގެ ރީމޭކެކެވެ.
“Maldives Wow Fest” Music Show night with @PawniAPandey & amazing Maldivian artists.
SEE YOU ALL 🙌🏾
📅 31st December 2022
📍 Hulhumale Synthetic Track
⏰ 20:30 pic.twitter.com/yemjytllUS— Ministry of Youth,Sports and Community Empowerment (@MoYSCEmv) December 28, 2022
މި ޝޯވގައި ޕައުނީގެ އިތުރުން ހަބޭސް ބޮޑުބެރު ގްރޫޕް، ހަބޭސް ފިއުޝަން އަދި ހަބޭސް ލެވިޓޭޝަންގެ ހިތްގައިމު ހުށަހެޅުންތަކެއް ފެނިގެންދާނެ ކަމަށް ޔޫތު މިނިސްޓްރީން ވިދާޅުވެއެވެ. އަދި ހަވާގެ ހަރަކާތްތައްވެސް ޝޯވގެ ތެރެއިން ކުރިއަށްދާނެކަމަށް އެ މިނިސްޓްރީން ވިދާޅުވެއެވެ.
