އަކްޝޭ ކުމާރާއި ޖޯން އަބްރަހަމް ލީޑް ރޯލުން ފެނިގެންދާ ކޮމިކް ޑްރާމާ "ދޭސީ ބޯއީޒް"ގެ ސީކުއެލް އިއުލާންކޮށްފިއެވެ.
އެކްޓަރު ވަރުން ދަވަންގެ ބޭބެ ރޯހިތު ދަވަން ޑައިރެކްޓްކުރި ފުރަތަމަ ފިލްމުގެ ސީކުއެލް އިއުލާން ކުރަމުން ޕްރޮޑިއުސަރު އާނަންދު ޕަންޑިތު ނެރުނު ބަޔާނެއްގައި ބުނެފައިވާ ގޮތުގައި އައިކޮނިކް ފިލްމްއެއްގެ ރީމެކް ހެދުމަށް އެރޯސް އިންޓަނޭޝަނަލް އެންޑް ޕަރަގް ސަންގްވީއާ ގުޅިގެން މަސައްކަތް ކުރަމުން ދާ ކަމަށެވެ.
"ދޭސީ ބޯއީޒް" އަކީ ފިލްމު އެޅުވި ޒަމާނުގައި ވަރަށް ހިނގި ފިލްމެއް ކަމަށާއި، ފިލްމުގެ ކާސްޓާއި މިޔުޒިކް އަދި އެނޫންވެސް ކަންތައްތަކުން ފިލްމަށް ބޮޑު ތަރުޚީބެއް ލިބިފައިވާ ކަމަށް އެ ބަޔާނުގައިވެއެވެ.
ރޮމޭންޓިކް ކޮމެޑީއެއްގެ ގޮތުގައި "ދޭސީ ބޯއިސް" ގެ ތަރިންނަކީ ޖޯން އަބްރަހަމް، ދީޕިކާ ޕަޑުކޯން، އަކްޝޭ ކުމާރުގެ އިތުރުން ޗިތުރަންގަދާ ސިންގްއެވެ. މި ފިލްމަކީ ބޮކްސް އޮފީހުގައި އެވްރެޖް ވިޔަފާރިއެއް ކުރި ފިލްމެކެވެ. ނަމަވެސް އަދި މިހާތަނަށް ފިލްމުގެ 2 ވަނަ ބައިގެ ޑައިރެކްޓަރާއި ކާސްޓުން އިއުލާނެއް ނުކުރެ އެވެ. އަދި ފުރަތަމަ ބައިގެ ތަރިން ދެ ވަނަ ބައިން ފެންނާނެ ކަމެއް ވެސް ޔަގީނެއް ނުވެއެވެ.
ޑޭވިޑް ދަވަންގެ ދޮށީ ދަރިފުޅު ރޯހިތު ހެދި ދެވަނަ ފިލްމަކަކީ ކޮއްކޮ ވަރުން އާއި ޖޯން އަދި ޖެކޮލިން ފެނާންޑޭޒްގެ 2016 ގެ "ޑިޝޫމް" އެވެ. އަދި އެނާ އެންމެ ފަހުން މަސައްކަތް ނިންމާލި ފިލްމު އަންނަ ފެބްރުއަރީ މަހު ރިލީޒް ކުރާނެއެވެ. އެއީ ލީޑުން ކާތިކް އާރިއަންއާއި ކްރިތީ ސެނޮން ފެނިގެންދާ ރޯހިތުގެ ތިން ވަނަ ޑައިރެކްޝަން "ޝެހެޒާދާ" އެވެ.
View this post on Instagram
