އދ. މަންދޫ ބަނދަރުގެ 57 އިންސައްތަ މަސައްކަތް ނިމިއްޖެ ކަމަށް އެމްޓީސީސީން ބުނެފިއެވެ.
އެމްޓީސީސީން ބުނީ މަންދޫ ބަނދަރު ތަރައްގީ ކުރުމުގެ މަޝްރޫއުގެ މަސައްކަތުގެ 57 އިންސައްތަ ނިމިފައިވާ ކަމަށެވެ. އަދި އެއްގަމުތޮށި ލުމަށް ބޭނުންވާ ކޮންކްރީޓް ގައު އެތުރުމުގެ މަސައްކަތް ވަނީ ނިމިފައި ކަމަށާއި، އައު ހާބަރު ބޭސިންއާއި ނެރު ފުންކުރުމުގެ މަސައްކަތްވެސް ވަނީ ނިމިފައި ކަމަށް އެކުންފުނިން ބުނެއެވެ.
Work on design and build of Adh. Mandhoo Harbor Development Project is well underway, with overall 57% project progress. We have completed installation of precast concrete blocks for quay wall construction. We have completed new harbor basin & channel dredging operations. pic.twitter.com/9DGKffzqe3
— MTCC Plc (@MTCCPlc) December 26, 2022
މަންދޫ ބަނދަރު ތަރައްގީ ކުރުމުގެ މަޝްރޫއުގެ ދަށުން، 65,854 ކިއުބިކް މީޓަރުގެ ސަރަޙައްދެއްގެ ބަނދަރު ފުންކުރުމާއި، 236 މީޓަރުގެ ސަރަޙައްދެއްގައި އެއްގަމުތޮށި ލުމާއި، 319 މީޓަރުގެ ސަރަޙައްދެއްގައި ބޭރުތޮށި ލާނެ ކަމަށް އެމްޓީސީސީން ބުނެއެވެ.
އަދި 71 މީޓަރުގެ ސަރަހައްދެއްގައި ރިވެޓްމެންޓް ޖެހުމާއި، 50 މީޓަރުގެ ސަރަޙައްދެއްގައި ގްރޮއިން ޖެހުމުގެ މަސައްކަތް ހިމެނެއެވެ. އޭގެ އިތުރުން ބަނދަރު ބައްތި އާއި ނެރު ބައްތި ހަރުކުރުމާއި، 1180 އަކަ މީޓަރުގެ ސަރަޙައްދެއްގައި ޕޭވްމަންޓް ހެދުމުގެ މަސައްކަތް ހިމެނޭކަމަށް ވެސް އެމްޓީސީސީން ހާމަކުރެއެވެ.
މިއީ 34.1 މިލިއަން ރުފިޔާގެ މަޝްރޫއުއެކެވެ.
ކޮމެންޓު ފޮނުވާ