އެމްޑީޕީގެ 20 ހާސް މެމްބަރުންގެ ތާޢީދާއެކު ރައީސް ސާލިހު އެޕާޓީގެ ކުރިޔަށް އޮތް ރިޔާސީ ޕްރައިމަރީއަށް ފޯމު ހުށަހަޅުއްވައިފިއެވެ.
ކުރިޔަށް އޮތް އެމްޑީޕީގެ ޕްރައިމަރީ ކެމްޕޭންގެ ކެމްޕޭން މެނޭޖަރަކަށް ހަމަޖައްސަވާގައިވާ ކިނބިދޫ ދާއިރާގެ މެމްބަރު މުހައްމަދު ނާޝިޒު ކުރެެއްވި ޓުވީޓެއްގައި ވިދާޅުވެފައިވަނ ީ2023ގެ ރިޔާސީ އިންތިޚާބުގައި ވާދަކުރާނެ އެމް.ޑީ.ޕީގެ ކެނޑިޑޭޓެއް ހޮވުމަށް ބާއްވާ ޕްރައިމަރީގައި ވާދަ ކުރެއްވުމަށް، ރައީސް ސާލިހަށް 20 ހާހަށްވުރެ ގިނަ މެމްބަރުންގެ ތާއީދު ލިބިފައިވާ ކަމުގައެވެ.
2023ގެ ރިޔާސީ އިންތިޚާބުގައި ވާދަކުރާނެ އެމް.ޑީ.ޕީގެ ކެނޑިޑޭޓެއް ހޮވުމަށް ބާއްވާ ޕްރައިމަރީގައި ވާދަ ކުރެއްވުމަށް،20k އަަށް ވުރެގިނަ މެމްބަރުންގެ ތާއީދާއި އެކު، ރައީސް @ibusolih ގެ ކެންޑިޑަސީ ފޯމު ހުށައަޅުއްވައިފި.
މާތް الله މަނިކުފާނަށް ކާމިޔާބު މިންވަރު ކުރައްވާށި. އާމީން pic.twitter.com/MDoPIlfKwX— Mohamed Nashiz (@Mnashiz) December 24, 2022
އެމްޑީޕީގެ ޕްރައިމަރީގައި ވާދަކުރުމަށް ރައީސް ސާލިހު ފޯމު ހުށަހަޅުއްވާފައިވާއިރު، އެޕާޓީގެ ރައީސް މުހައްމަދު ނަޝީދުވެސް ވަނީ ޕްރައިމަރީގައި ވާދަކުރެއްވުމަށް އޮންލައިންކޮށް ފޯމު ހުށަހަޅުއްވާފައެވެ. އެހެންނަމަވެސް ނަޝީދު ފޯމު ހުށަހަޅުއްވާފައިވަނީ ކިހާ އަދަދެއްގެ މެމްބަރުންނެއްގެ ތާއީދާއެކު ކަމެއް ސާފުވެފައެއް ނުވެއެވެ.
އެމްޑީޕީގެ ޕްރައިމަރީ އޮންނާނީ ޖެނުއަރީ 28ގައެވެ. މިމަހުގެ 24ގެ ކުރިން ވާދަކުރައްވާ ކެނޑިޑޭޓުން ޕާޓީއަށް ނަން ހުށައަޅަންޖެހެއެވެ.
ރިޔާސީ އިންތިޚާބު އޮންނާނީ އަންނަ އަހަރުގެ ސެޕްޓެމްބަރު މަހުއެވެ.
ކޮމެންޓު ފޮނުވާ