އަބުރު ގެއްލޭ ފަދަ ތުހުމަތުތަކެއް ކޮށް ކެރިއަރު ހަލާކުކޮށްލުމަށް މަސައްކަތް ކުރަމުންދާކަމަށް ބުނެ، ބޮލީވުޑްގެ 'އައިޓަމް ގާލް' ގެ ގޮތުގައި މަޝްހޫރު ނޯރާ ފަތޭހީ، ބަތަލާ ޖެކޮލިން ފެނާންޑޭޒް އާއި ދެކޮޅަށް އަބުރުގެ ދައުވާކޮށްފިއެވެ.
މިހާރުވެސް މަނީ ލޯންޑްރިންގެ މައްސަލަގަނޑެއްގެ ތެރެއަށް ވެއްޓިފައިވާ ޖެކޮލިން ގޮވައިގެން ނޯރާ ކޯޓަށްދާން ނިންމީ، ޖެކޮލިން އާ ދެކޮޅަށް ކުރި 200 ކްރޯޑް ރުޕީސް މަނީ ލޯންޑްރިންގެ މައްސަލައާ ގުޅިގެން ޖެކޮލިންގެ މައްސަލަ ތަހުގީގުކުރަމުން އަންނަ އިރު އެކަމާ ނޯރާއާ ވެސް ގުޅުވައި، އޭނަގެ ކެރިއަރާއި ޒާތީ ދިރިއުޅުން ހަލާލުކުރަން މަސައްކަތްކުރާ ކަމަށް ބުނެ އެވެ.
ނޯރާ ބުނެފައިވާގޮތުގައި، ޖެކޮލިން އޭނާގެ ކެރިއަރު ހަލާކުކޮށްލުމުގެ ގޮތުން ޖިނާއީ ގޮތުން ބަދުނާމު ކުރަން މަސައްކަތް ކުރާއިރުގައި ދެމީހުން ނަކީވެސް އެއް އިޑަސްޓްރީއަކަށް ނިސްބަތްވާ ދެމީހުން ކަމަށެވެ. އަދި ޖެކޮލިން އޭނާއާ ގުޅޭގޮތުން އެފަދަ ގޮތަކަށް ވާހަކަ ދެއްކީ ބަދުނާމުކޮށް، މާލީ ގޮތުންނާއި، އިޖުތިމާއީ އަދި ނަފްސީ ގޮތުން ނިކަމެތި ކޮށްލުމަށް ކަަމަށް ބުނެފައި ވެއެވެ.
View this post on Instagram
ހަގީގަތުގައި މި މައަސަލަ ގަނޑުގެ ފެށުމަކީ ސުކޭޝް ޗަންދުރަސޭކަރް ކިޔާ ނުފޫޒު ފަދަ މީހަކާ ޖެކޮލިން ހިތާވެ، އޭނަގެ ފަރާތުން އަގުބޮޑު އެތައް ހަދިޔާތަކެއް ލިިބި، އަދި މަނީ ލޯންޑްރިންގެ ކަންތަށް ގަނޑެއްގެ ތެރޭގައި ސުކޭޝް ތާށިވެ އެކަމުގެ ތެރޭގައި އޭނާވެސް ބެދުމެވެ. އަދި ހަމަ އެހެންމެ އޭނައާ އެތައް ފަހަރެއްގެ މަތިން އިންޑިއާގެ އެންފޯސްމަންޓް ޑިރެކްޓަރޭޓް (އީޑީ) ސުވާލުކޮށް، ބަޔާން އެ މައްސަލަ އަންނަނީ ތަހުގީގުކުރަމުންނެވެ. މިއާއި އެކު ޖެކޮލިންގެ ޕާސްޕޯޓްވެސް ވަނީ ހިފަހައްޓައިފައެވެ.
މިދިއަ އަހަރު މި ކަންތައްގަނޑު ފަޅާއަރައިފައިވާއިރު ޖެކޮލިން އާއި އެކުގައި ސުކޭޝް ނަގައިފައިވާ ގައިގޯޅި ފޮޓޯތަކެއްވެސް ވަނީ ލީކުވެފައެވެ. އަދި ހަމަ އެއާއިއެކުގައި، ސުކޭޝްގެ ފަރާތުން ނޯރާ އަށް ވެސް ނާޖާއީޒު އެތައް ފައިދާތަކެއް ލިބުނުކަމުގެ ވާހަކަތަކެއްވެސް ދެކެވުނެވެ. އަދި އީޑީ އިން ނޯރާއާވެސް ސުވާލު ކުރިއެވެ.
View this post on Instagram
މި މައްސަލަ ގަނޑުގެ ތެރޭގައި ތާށިވެ ޖެކޮލިންގެ އެކްޓިންގ ކެރިއަރުވެސް މިހާރު ވަނީ ބަނަވެފައެވެ. ބުނެވޭ ގޮތުގައި އެއްވެސް ފިލްމު މޭކާއެއް މިހާރު އޭނާ އަށް ފިލްމު ދޭކަށް އެއްބަހެއް ނުވެއެވެ. ފިލްމީ ކެރިއަރު ހަލާކުވެގެންދާއިރުގައި އޭނާ ގެ ކުރިއަށް އޮތް ފިލްމް އަކީ މި މަހުގައި ރިލީޒް ކުރުމަށް ތާވަލް ކޮށްފައިވާ ފިލްމު "ސާކަސް"އެވެ. ފާހަގަކޮއްލެވޭ ކަމަކީ މިހާރު ރިލީޒް ކުރާ ޖެކޮލިންގެ ފިލްމު ތަކަކީ މި މައްސަލަ ގަނޑު ފެންމަތިވުމުގެ ކުރިން އެނާ ސޮއިކޮށްފައިވާ ފިލްމުތައް ކަމެވެ.
