އެމްޑީޕީން ވެރިކަމަށް އައުމަށްޓަކައި މަސްވެރިންނަށް ހުށަހެޅި މަސްވެރިކަމުގެ ސިޔާސަތު ދޫކޮށްލައި، އެކި ތަންތަނުން ކަންކަން ހޯދައިގެން ހާސިލް ކުރަން އުޅުމުން މަސްވެރިކަމުގެ ސިޔާސަތު ވަނީ ބޮއްސުންލާފައި ކަމަށް އެމްޑީޕީގެ ކުރީގެ ޗެއާޕާސަން ހަސަން ލަތީފް ވިދާޅުވެއްޖެއެވެ.
އޭނާ މިހެން ވިދާޅުވީ ވެރިކަމަށް ވަޑައިގެންނެވުމަށް ރައީސް ޞާލިހު މަސްވެރިންނަށް ވެވަޑައިގެންނެވި ވައުދުތަކުގެ ވީޑިއޯއެއް ހިއްސާ ކުރައްވައި ކުރެއްވި ޓުވީޓުގައެވެ. ރައީސްގެ ވާހަތަކަށް އިޝާރާތް ކުރައްވައި ހަސަން ވިދާޅުވީ މިއަދު މަސްވެރިކަމުގެ ސިޔާސަތު ތަންފީޒު ކުރުމުގައި ދިމާވެފައިވާ އެންމެ ބޮޑު ގޮންޖެހުމަކީ އެމްޑީޕީގެ މަސްވެރިކަމުގެ ސިޔާސަތު ދޫކޮށްލުންކަމަށެވެ.
ސަރުކާރުން މަސައްކަތް ކުރަމުންދަނީ އެމްޑީޕީން މަސްވެރިންނަށް ވައުދުވީ ސިޔާސަތުތައް ދޫކޮށް، އެތަން މިތަނުން ހޯދަމުންދާ ކަންކަން ހިމަނައިގެން ފުއްދަން އުޅޭ ކަންތައްތަކެއްކަމަށާއި، އެއާއިއެކު މުޅި ސިޔާސަތު ބޮއްސުންލާފައިވާކަމަށެވެ.
އެމްޑީޕީގެ މަސްވެރިކަމުގެ ސިޔާސަތުތައް ދޫކޮށްލައްވައި، އެތަނުން އެތިކޮޅަކާ، އަނެއްތަނުން ތަންކޮޅެއް ނަގައިގެން އެޔެއް މިޔެއް ނުބައްލަވާ ކަންކަން ހައްލު ކުރަން އުޅުއްވީމާ 5 އަހަރު ހަމަވާން ދާއިރު މިއޮތީ ބޮއްސުންލާފަ.
– ހަސަން ލަތީފް ވިދާޅުވިއެވެ.
މިއަހަރުގެ މަސްވެރިންގެ ދުވަސް ފާހަގަކުރުމުގެ ހަރަކާތްތަކުގައި ބައިވެރިވެވަޑައިގަތުމަށް ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ގދ.ފަރެސްމާތޮޑާއަށް މިއަދު ވަޑައިގެންނެވުމުން މަސްވެރިން ހަމަހިމޭން އިހުތިޖާޖެއް ކޮށްފައެވެ. މި އިހުތިޖާޖުގައި ބައިވެރިވި މަސްވެރިން ތިބީ ކަޅު ޓީޝާޓުގައި އަގަމަތީ ޓޭޕް އަޅައިގެންނެވެ. ނަމަވެސް އެއްވި މަސްވެރިން ތިބީ އެމީހުން ހާމަކުރަން ބޭނުންވާ ޝުއޫރުތައް ފެންނަ ލިޔުންތަކާއިއެކުގައެވެ. މިގޮތުން "މަސްްވެރިންނަށް ވީ ވައުދު ކޮބާ" އަދި ބާނާ މަހަށް ހަމަ އަގު ނުލިބޭ" ފަދަ ޝިއާރުތަކާއިއެކު މަސްވެރިން ދިޔައީ އިހުތިޖާޖު ކުރަމުންނެވެ.
އެއްވި މީހުންގެ އިހުތިޖާޖް ރައީސް ވަނީ އެސަރަހައްދަށް ވަޑައިގެން ބައްލަވާވެސް ލައްވާފައެވެ. ނަމަވެސް މާ ގިނަ އިރެއް ރައީސް ވަނީ އެސަރަހައްދުން ވަޑައިގެންފައެވެ.
One Response
ހަސަނަކީ ވަކިމީހެއްގެ ފަހަތުން ބެރުދުންމާރި ތާޅަފިލި ފުމެލައްވަ މުންދުވާބެއިފުޅެ