ބޮލީވުޑްގެ ހުނަރުވެރި އަދި ކާމިޔާބު ޑައިރެކްޓަރު ސަންޖޭ ލީލާ ބަންސާލީ ރަސްމީކޮށް ނެރޭ ފުރަތަމަ މިއުޒިކް އަލްބަމް "ސުކޫން" މިމަހުގެ 7 ވަނަ ދުވަހު ވަނީ ރިލީޒްކޮށްފައެވެ.
ފިލްމު ތަކުގެ އިތުރުން އެ ފިލްމް ތަކުގައި ހިމެނޭ ލަވަތަކަށްވެސް ވަރަށް ބޮޑު މަގުބޫލު ކަމެއް ލިބޭ ޑައިރެކްޓަރ ބަންސާލީގެ ފުރަތަމަ އަލްބަމްގައި 9 ލަވަ ހިމެނެއެވެ.
View this post on Instagram
އަލްބަމްގެ ކަވަރާއި އޭގެ ޓްރެކް ލިސްޓް ވެސް މިހާރު ވަނީ އާންމުކޮށްފަ އެވެ. "ސުކޫން" ގެ ޓްރެކް ލިސްޓްގައި ހިމެނޭ ލަވަތަކަކީ "ގާލިބް ހޯނާ ހޭ"، "ތުޖޭ ބީ ޗާންދު"، "ދަރުދު ޕައްތަރޯން ކޯ"، "ގަރާރު"، "ގަމް ނާ ހޯނޭ"، "ސިވާ ތޭރޭ"، "ހަރް އޭކް ބާތު" އަދި "މުސްކްރާހަޓް" އެވެ.
"ހަމް ދިލް ދޭ ޗުކޭ ސަނަމް" އާއި "ދޭވްދާސް" ފަދަ ރީތި ފިލްމުތައް ގެނެސްދިން ބަންސާލީ އެންމެ ފަހުން ޑައިރެކްޓްކުރި 5 ފިލްމުގެ މިއުޒިކް ވެސް އޭނާ ހެދީ އަމިއްލައަށެވެ. އެއީ މި އަހަރުގެ "ގަންގޫބާއީ ކަތިއަވާޅީ" އާއި 2018 ގެ "ޕަދުމާވަތު" އާއި 2015 ގެ "ބާޖިރާއޯ މަސްތާނީ" އާއި 2013 ގެ "ރާމް ލީލާ" ގެ އިތުރުން 2010 ގެ "ގުޒާރިޝް" އެވެ.
