ރޮމޭންޓިކް ކޮމެޑީ ފިލްމުތައް ކުޅޭ ވަރަށް ވުރެ އޭނާގެ އުމުރުން މާ ދުވަސްވެއްޖެ ކަމަށް، މިދިއަ މަހުގެ 6 ވަނަ ދުވަހުގައި އަލަތު ދަރިފުޅު ލިބުން ބޮލީވުޑްގެ މަޝްހޫރު އެކްޓަރު ރަންބީރު ކަޕޫރު ބުނެފިއެވެ.
ސައުދީ އަރަބިއްޔާގެ ޖިއްދާގައި ކުރިއަށްދާ ރެޑް ސީ އިންޓަނޭޝަނަލް ފިލްމު ފެސްޓިވަލްގެ ތެރެއިން ނޫސްވެރިންނާ ވާހަކަ ދައްކަމުން ރަންބީރު، 40، ބުނީ، ލަވް ރަންޖަންގެ ކުރިއަށް އޮތް ރޮމޭންޓިކް ކޮމެޑީ އަކީ އޭނާގެ އެންމެ ފަހު ރޮމޭންޓިކް ކޮމެޑީ އަށް ވުން ގާތް ކަމަށެވެ.
މި ފިލްމް ގައި ރަންބީރު ފެނިގެންދާނީ ބަތަލާ ޝްރައްދާ ކަޕުރު އާއި އެކުގައިއެވެ. އޭނާ ބުނި އެ ކަހަލަ ފިލްމް ތަށް ކުޅޭ ވަރަށް ވުރެ އޭނާ މިހާރު އުމުރުން މާދުވަސް ވެއްޖެ ކަމަށެވެ. އަދި މިހާރު މުސްކުޅި ވަމުން އަންނަ ކަމުުގެ އިހުސާސް ކުރެވެން ފަށައިފައިވާކަމަށް ރަންބީރު ވަނީ ބުނެފައިއެވެ.
މި ހަފްލާގައި ރަންބީރު ބައިވެރިވި އިރުގައި އޭނާގެ ސިފައަށް ވެސް ވަރަށް ބޮޑަށް ބަދަލު އައިސްފައި ވެއެއެވެ. އެގޮތުން ރަންބީރު ފެނިގެންދިއައީ ވަރުގަދަ ތުނބުޅިއަކާއިއެކުގައިއެވެ.
View this post on Instagram
ލަވް ރަންޖަންގެ އެ ފިލްމުގެ ނަން އަދި ހާމައެއް ނުކުރެ އެވެ. އެ ފިލްމު ރިލީޒް ކުރާނީ އަންނަ މާޗު މަހުގެ 8 ވަނަ ދުވަހު އެވެ. ރަންބީރު ރޮމޭންޓިކް ކޮމެޑީ ޖޯންރާގެ ގިނަ ފިލްމުތަކެއް ކުޅެފައިވެ އެވެ. އޭގެ ތެރޭގައި 'ބޭޝަރަމް’، 'އަޖަބް ޕްރޭމްކީ ގަޒަބް ކަހާނީ’، 'ޔޭ ޖަވާނީ ހޭ ދިވާނީ' އަދި 'ޖައްގާ ޖާސޫސް' ހިމެނެ އެވެ.
ރަންބީރް އެންމެ ފަހުން ފެނިގެން ދިއައީ އަންހެނުން އާލިއާ ބަޓް އާއި އެކުގައި ކުޅު އަލަތު ފިލްމް "ބްރަމަސްތުރާ: ޕާޓް ވަން ޝީވާ" އިންނެވެ. އެ ފިލްމް އަކީ ބޮސްއޮފީހުގައި ގިން ރެކޯޑްތަކެއް މުގުރާލި ވަރަށްވެސް ކާމިޔާބު ފިލްމްއެކެވެ.
