ދީޕިކާ ޕަޑުކޯން އާއި ޝާހުރުކް ޚާން އެކުގައި ފެނިގެންދާ 4 ވަނަ ފިލްމު "ޕަޓާން" 9 ގައުމެއްގައި ޝޫޓްކޮށްފައިވާ ކަމަށް ބުނެފިއެވެ.
ކުޑަ ބްރޭކަކަށް ފަހު ޝާހްރުކް އެނބުރި ބޮޑު ސްކްރީނަށް އަންނަ ފިލްމު "ޕަޓާން" އަކީ ބޮޑު ކާސްޓެއް ހިމެނޭ ފިލްމެކެވެ. އަހަރެއްހާ ދުވަސް ޝޫޓިންގައި ހޭދަކޮށްފައިވާ މި ފިލްމު ރިލީޒް ކުރުމަށް ތާވަލު ކޮށްފައިވަނީ 25 ޖަނަވަރީ 2023 އަށެވެ.
އަދިތިޔާ ޗޯޕްޅާގެ ޔަޝްރާޖް ފިލްމްސް (ވައިއާރްއެފް) އިން ޕްރޮޑިއުސްކޮށްފައިވާ މި އެކްޝަން ތުރިލާ އަކީ އެ ސްޓޫޑިއޯގެ 2019 ގެ "ވޯ" ގެ ޑައިރެކްޓަރު ސިދާތު އާނަންދު ހަދާފައިވާ ފިލްމެކެވެ.
View this post on Instagram
"ޕަޓާން" ޝޫޓްކޮށްފައި ވަނި އިންޑިއާގެ އިތުރުން ސްޕެއިން، އިޓަލީ، ޔޫއޭއީ، ތުރުކީ، ރަޝިއާ، ސައިބީރިއާ، އަފްގާނިސްތާން އަދި ފްރާންސްގަ އެވެ. "ޕަޓާން" ގެ ޑައިރެކްޓަރު ސިދާތަކީ އަބަދު ވެސް އޭނަގެ ފިލްމުތައް އިންޑިއާއިން ބޭރުގެ ގިނަ ގައުމުތަކުގައި ޝޫޓްކުރަން އިސްކަންދޭ ޑައިރެކްޓަރެކެވެ.
ޔަޝް ރާޖް ފިލްމްސް އިން ގެނެސްދޭ މި ފިލްމު 3 ބަހަކުން ނެރުމަށް ވަނީ ހަމަޖެހިފައެވެ. އެއީ ހިންދީ، ޓެލުގޫ އަދި ޓެމިލްއެވެ. މި ފިލްމުގައި ޝާހްގެ އިތުރުން ދީޕިކާ ޕަޑުކޯން، ޖޯން އަބްރަހަމް އަދި ޝަބާނާ އާޒްމީ ފަދަ މަޝްހޫރު ތަރިން ފެނިގެން ދާނެއެވެ.
